Mo Iloiloga a le Aiga
Mo Iloiloga a le Aiga
O ā Mea o Loo Misia Mai i Nei Ata?
Faitau le Faataoto 18:10 ma le 26:17. Seʻi tagaʻi nei i le ata. O ā mea o loo misi? Tusi au tali i laina o loo i lalo. Sosoo piliota ina ia faauma ai le ata, ona vali lea.
1. ․․․․․
2. ․․․․․
[Siata]
(Tagaʻi i le lomiga)
MO TALANOAGA:
O le ā ua e aʻoaʻoina mai i nei fuaiupu? Pe e lava le tau ina iloa o le suafa o le Atua ina ia fiafia mai ai o ia?
FESOASOANI: Faitau le Salamo 91:2; Faataoto 3:5, 6.
iseā e atamai ai lou lē isuisu fua i mataupu a isi tagata?
FESOASOANI: Faitau le Kalatia 6:5-7; 1 Tesalonia 4:11; 1 Peteru 4:15.
Faitau foʻi le Faataoto 26:18, 19. Po o se mea lelei le faia o tala tausua e faamā ai isi?
FESOASOANI: Faitau le Faataoto 14:13; 15:21; Mataio 7:12.
FAI FAATASI E LE AIGA:
Faitau faatasi le Faataoto 31:10-31. Ia faatino e se tagata o le aiga e aunoa ma le tautala, nisi o galuega e faia e se avā lelei o loo faamatalaina i le mau. E tatau i tagata uma o le aiga ona mate po o ā na galuega. Ia talanoa po o ā galuega ua outou aʻoaʻoina ina ia avea ai outou ma tagata lelei.
Faaputuputu ma Aʻoaʻo Mai Ai
ʻOti, gaulua ma teu
PEPA NUMERA 9 IEREMIA
FESILI
A. O ā tusi e fā o le Tusi Paia na faaaogā e Ieova Ieremia e tusia?
E. Saʻo pe Sesē? Na tumau ona lē faaipoipo Ieremia.
I. Ia faauma le faamatalaga a Ieremia: “I loʻu loto ua pei [le Afioga a le Atua] o se . . . ”
[Siata]
4026 T.L.M. 1 T.A. 98 T.A.
Na foafoaina ai Atamu Na soifua i se vaitausaga Tusia le tusi
o le 650 T.L.M. mulimuli o le Tusi Paia
[Faafanua]
Sa nofo i Ierusalema. Siitia mai i le Vaitafe o Eufirate ae agaʻi atu i Aikupito—Ieremia 13:1-9; 43:8-13
Ierusalema
Eufirate
AIKUPITO
IEREMIA
TALAAGA
Na filifilia e avea ma perofeta a o leʻi fanau mai. (Ieremia1:1-5) Na auauna ma le faamaoni Ieremia i le Atua mo le silia ma le 65 tausaga. E ui na lagona e Ieremia le lē agavaa ma le fefe e tautala atu, ae na faapea atu Ieova iā te ia: ‘Aua e te fefe . . . auā ou te faatasi ma oe e laveaʻi iā te oe.’”—Ieremia 1:6-8.
TALI
A. Tusi Muamua ma le lona Lua o le Tupu, Ieremia, ma le Auēga.
E. Saʻo.—Ieremia 16:1-4.
I. “. . . afi e mumū o loo punitia i totonu o oʻu ivi.”—Ieremia 20:9
PEPA NUMERA 10 SOLOMONA
FESILI
A. E leʻi tatalo atu Solomona mo le tamaoaiga pe e faafualoaina lona soifua, ae o le ā sa ia talosaga atu ai?
E. Faatumu le avanoa. E mafai e Solomona ona faamatala faataoto e ․․․․․ ma o le aofaʻiga o ana pese e ․․․․․.
I. O ai le isi igoa o Solomona?
[Siata]
4026 T.L.M. 1 T.A. 98 T.A.
Na foafoaina ai Atamu Na soifua i se vaitausaga Tusia le tusi
o le 1000 T.L.M. mulimuli o le Tusi Paia
[Faafanua]
Na malaga mai le tupu tamaʻitaʻi o Seepa mo le 1,500 maila (2,400 km) ina ia faalogo i le atamai o Solomona
SEEPA
Ierusalema
SOLOMONA
TALAAGA
O le tama lona lua a Tavita ma Patesepa. Na avea Solomona ma tupu i Isaraelu mo le 40 tausaga. Na ia fausia se fale telē mo le tapuaʻiga iā Ieova. (1 Tupu 5:2-5) Na faaaogā e Ieova Solomona e tusia le Faataoto, Failauga, ma le Pese a Solomona. O le faifaimea faatasi ma ana avā mai i isi nuu, na taʻitaʻieseina ai o ia mai iā Ieova.—1 Tupu 11:1-6.
TALI
A. O se loto usiusitaʻi.—1 Tupu 3:5-14.
E. 3,000, 1,005.—1 Tupu 4:29, 32.
I. Ietitaia, o lona uiga “Ua alofagia e Ieova.”—2 Samuelu 12:24, 25.
PEPA NUMERA 11 IOSEFA
FESILI
A. Faatumu avanoa. Na faaigoa e ʻafa uso o Iosefa o ia o le “tama ․․․․․,” ma na faatau atu o ia mo tupe siliva e ․․․․․.
E. Ina ua faaosoosoina e le toʻalua o Potifara e la te momoe, na tali atu ma le maumauaʻi Iosefa, “Pe faapefea ona ou faia lenei mea leaga tele ma . . . ”
I. Aiseā na tofia ai e Farao Iosefa e avea ma pule lona lua o Aikupito?
[Siata]
4026 T.L.M. 1 T.A. 98 T.A.
Na foafoaina ai Atamu Na soifua i se vaitausaga Tusia le tusi
o le 1700 T.L.M. mulimuli o le Tusi Paia
[Faafanua]
Aveesea mai i Totana ma avatu i Aikupito
AIKUPITO
Totana
IOSEFA
TALAAGA
O le atalii matua o Iakopo ma Rasela. (Kenese 35:24) Na lotoleaga ona ʻafa uso iā te ia ma faatau atu i Aikupito o se pologa, ma avea ai ma pologa po o se pagota mo le 13 tausaga. Nai lo o le tauimasui atu, na faamagalo e Iosefa ona ʻafa uso ina ua salamō. (Kenese 50:15-21) E ui ina mamao mai i lona aiga, ae na ia faamamaluina Ieova, tumau pea i amoga mamā, galue mamafa, ma maufaatuatuaina.—Kenese 39:1-23.[1]
TALI
A. Faimiti, 20.—Kenese 37:19, 28.
E. “. . .ou agasala ai i le Atua?”—Kenese 39:9.
I. Na ia iloa lelei o le agaga o le Atua na māfua ai ona poto ma faautauta Iosefa.—Kenese 41:38-41.
PEPA NUMERA 12 ISAIA
FESILI
A. O ai na ō ma Isaia e taʻu atu le feʻau i le tupu o Aasa?
E. O le ā le tali a Isaia ina ua fesili atu Ieova, “O ai ou te auina atu?”
I. Na valoia e Isaia: “O le a tumu le lalolagi . . . ”
[Siata]
4026 T.L.M. 1 T.A. 98 T.A.
Na foafoaina ai Atamu Na soifua i se vaitausaga Tusia le tusi
o le 700 T.L.M. mulimuli o le Tusi Paia
[Faafanua]
Na soifua aʻe i Ierusalema
Ierusalema
ISAIA
TALAAGA
O se perofeta faamaoni, ma na ia taʻitaʻia lona aiga i le fai ma masani le tapuaʻi i le Atua. Na ia faataatia se faaaʻoaʻoga lelei mo lona aiga i le auala na faataunuu ai lana faiva. Na taʻua lana avā o se “perofeta fafine.” (Isaia 7:3; 8:3,18) A itiiti mai e 46 tausaga na auauna ai Isaia i le Atua. O le uiga o lona igoa o le “Faaolataga a Ieova.”
TALI
A. O lona atalii o Sarasopa.—Isaia 7:3.
E. “O aʻu lenei! Inā auina atu ia aʻu.”—Isaia 6:8.
I. “. . . i le poto e uiga iā Ieova.”—Isaia 11:9.
TALI MO LE ITULAU E 23
1. O se ʻolo malosi.
2. Taʻifau.