MUSHANDIRAPAMWE WEKUKOKA VANHU KUZOYEUKA RUFU RWAJESU
Jesu Ndiye Achapedza Hondo
Jesu paaiva panyika airatidza kuti aida vanhu zvakadzama, zvekuti akasvika pakutovafira. (Mateu 20:28; Johani 15:13) Munguva pfupi iri kutevera, acharatidza zvekare kuda kwaanoita vanhu nekushandisa kwaachaita simba rake saMambo weUmambo hwaMwari “kugumisa hondo munyika yese.”—Pisarema 46:9.
Inzwa zvinotaurwa neBhaibheri zvichaitwa naJesu:
“Achanunura murombo anochemera kubatsirwa, pamwe chete nemunhu akaderera uye munhu wese asina mubatsiri. Achanzwira tsitsi munhu akaderera uye murombo, uye achaponesa varombo. Achavanunura pakudzvinyirirwa nepakurwiswa.”—Pisarema 72:12-14.
Zvii zvaungaita kuti uratidze kuti unotenda zvatakaitirwa naJesu uye zvaachazotiitira mune ramangwana? Pana Ruka 22:19, Jesu akaudza vateveri vake kuti vayeuke kufa kwake. Ndosaka Zvapupu zvaJehovha zvichiungana gore negore zvichiyeuka zuva rekufa kwake. Tinokukoka kuti uzobatanawo nesu pakuyeuka kufa kwaJesu musi weSvondo 24 March, 2024.
Zvimwe Zvaunogona Kufarira
CHIRANGARIDZO
Kuyeuka Rufu rwaJesu
Tinokukoka kuti uvepowo patichayeuka rufu rwaJesu tichitevedzera zvaakataura. Pamusangano wacho uchadzidza kuti zvakaitwa naJesu uye kufa kwaakaita zvingakubatsira sei.
MIBVUNZO YEBHAIBHERI INOPINDURWA
Jesu Akafirei?
Kana rufu rwake ruchitibatsira, runonyatsotibatsira sei?
ESSENTIAL BIBLE TEACHINGS
Umambo hwaMwari Chii?
Jesu paaiva panyika nyaya yaainyanya kudzidzisa vanhu ndeyeUmambo hwaMwari. Vanhu vava nemakore akawanda vachinyengetera kuti Umambo ihwohwo huuye.
NHARIREYOMURINDI
Chokwadi nezveUmambo hwaMwari
Bhaibheri rinotaura kuti Mambo weUmambo hwaMwari ndiani, kwahuri, chinangwa chahwo, vachatonga, uye vachatongwa.
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.
