INGOMA 55
Ningabesabi!
-
1. Chubekani bantfu bami,
Khulumani nges’bindzi.
Ningatesabi titsa.
Tjelani bonkhe kutsi
Jesu Khristu wasicosha
Sitsa emazulwini,
Utaw’bopha Sathane Akhulule bantfu bami.
(LIKHORASI)
Ningesabi bantfu bami,
Ngisho niphatfwa kabi.
Ngiyohlale ngin’vikela
Njengenhlavu yel’so lam’.
-
2. Nobe titsa titinyenti,
Futsi tinesabisa,
Nobe nje tintentisa,
Kute tinidukise.
Ningesabi bantfu bami,
Noma nihlukunyetwa,
Mine ngiyonivikela
Ize iphele imphi.
(LIKHORASI)
Ningesabi bantfu bami,
Ngisho niphatfwa kabi.
Ngiyohlale ngin’vikela
Njengenhlavu yel’so lam’.
-
3. Ngiyoba sivikelo senu; Ngeke nginishiye.
Nome nifela kuphi,
Kufa ngiyokuncoba.
Ningesabi labangeke
baw’bulal’ umphefum’lo.
Chubekani nitsembeke;
Niyotfola umvuzo!
(LIKHORASI)
Ningesabi bantfu bami,
Ngisho niphatfwa kabi.
Ngiyohlale ngin’vikela
Njengenhlavu yel’so lam’.
(Phindze ubuke naDut. 32:10; Neh. 4:14; Hla. 59:1; 83:2, 3.)
