1. Ama Yéhuwa di sawarga,

Ieu téh wengi nu suci.

Kapungkur Ama tos némbongkeun kawasa,

Adil, hikmat, sarta asih.

Domba Paska nu dikorbankeun

Ngabébaskeun umat Huwa.

Lami saatosna, Yésus dikorbankeun,

Ngalaksanakeun nubuat Yah.

2. Roti jeung anggur di payuneun

Ngémutkeun abdi ka Ama.

Sakitu nyaahna

ka umat manusa,

Ama ngorbankeun Sang Putra.

Haté abdi jadi kageuing

Hadir di ieu Pangéling,

Émut ka Kristus

anu terus satia,

Pupus nebus umat manusa.

 3. Wengi ieu abdi sadaya

Ngarumpul payuneun Ama,

Nganuhunkeun kana

pangorbanan Putra

Sarta ngamulyakeun Ama.

Ku ayana Pangéling ieu,

Haté abdi ditegerkeun.

Mugia abdi nyonto lampah Sang Putra

Tur bisa hirup salawasna.