Sikuzote tumetumia Biblia kuwa msingi pekee wa imani zetu, kwa hiyo tumebadili imani zetu kadiri ambavyo uelewaji wetu wa Maandiko umeboreshwa. *

 Mabadiliko hayo yanapatana na kanuni ya Biblia inayopatikana kwenye Methali 4:18: “Njia ya waadilifu ni kama nuru inayong’aa, inayozidi kuongezeka mpaka mchana mkamilifu.” Kama tu jua linapochomoza linavyoangaza eneo fulani hatua kwa hatua, Mungu anatupa uelewaji wa kweli ya neno la Mungu hatua kwa hatua, kwa wakati wake mwenyewe. (1 Petro 1:10-12) Kama Biblia ilivyotabiri, ameharakisha jambo hilo katika ‘wakati huu wa mwisho.’​—Danieli 12:4.

 Mabadiliko hayo katika uelewaji wetu hayapaswi kutushangaza wala kutusumbua. Waabudu wa Mungu katika nyakati za kale walikuwa pia na maoni na matarajio yasiyofaa na walihitaji kubadili maoni yao.

•   Musa alijitoa kuwa mkombozi wa taifa la Israeli miaka 40 kabla ya wakati ambao Mungu alikuwa amepanga.​—Matendo 7:​23-​25, 30, 35.

•   Mitume walikosa kuelewa unabii uliotabiri kuhusu kufa na kufufuliwa kwa Masihi.​—Isaya 53:​8-​12; Mathayo 16:21-​23.

•   Wakristo fulani wa mapema walikuwa na maoni yasiyofaa kuhusu wakati uliowekwa wa “siku ya Yehova.”​—2 Wathesalonike 2:1, 2.

 Baadaye Mungu alisahihisha maoni yao, na tunasali kwamba ataendelea kutufanyia vivyo hivyo.​—Yakobo 1:5.