Fakakaukau ki he meʻa kuo ʻosi ʻiloʻi ʻe hoʻo kau fanongó. ʻI he ʻikai toe leaʻaki ʻa e meʻa kuo nau ʻosi fanongo ai ki muʻá, tokoniʻi kinautolu ke vakai ki he kaveingá mei ha tafaʻaki foʻou.

Fekumi mo fakalaulauloto. ʻI he taimi ʻe malava aí, fakakau ʻa e ngaahi moʻoni ʻikai anga-mahení pe ngaahi meʻa ʻoku lolotonga hokó ke fakatātaaʻiʻaki ʻa e ngaahi fakakaukau tefitó. Fakakaukau fakamātoato fekauʻaki mo hoʻo fakamatalá pea mo e fekauʻaki ʻa e fakamatalá mo e ngaahi moʻoni ʻokú ke fakataumuʻa ke fakahāʻí.

Fakahaaʻi ʻa e ʻaonga ʻa hoʻo pōpoakí. Fakamatalaʻi ʻa e founga ʻe tokoni ai ʻa e ngaahi poini Fakatohitapú ki he moʻui fakaʻaho ʻa hoʻo kau fanongó. Lāulea ki ha ngaahi tuʻunga pau, tōʻonga, mo e ngāue ʻa ia ʻoku mahuʻinga ki hoʻo kau fanongó.