SAMBIRU 04
Kumbi Chiuta Ndiyani?
Ŵanthu akwamba kali kusopa achiuta akupambanapambana. Kweni Bayibolu likamba vakukwaskana ndi Chiuta yumoza yo “ndi mukulu kuluska achiuta anyaki wosi.” (2 Mbiri 2:5) Kumbi Chiuta mwenuyu ndiyani? Nanga ntchinthu wuli cho chitimuchitiska kuti waje mukulu kuluska achiuta anyaki wosi wo ŵanthu asopa? Mu sambiru ili wonani vo Chiuta mwenuyu wakhumba kuti muziŵi vakukwaskana ndi iyu.
1. Kumbi zina laku Chiuta ndiyani, nanga tiziŵa wuli kuti wakhumba kuti tiliziŵi?
Chiuta watitikambiya zina laki mwakugwiriskiya ntchitu Bayibolu. Iyu wakamba kuti: “Ini ndini Yehova. Lenili ndilu zina langu.” (Ŵerengani Yesaya 42:5, 8.) Zina lakuti “Yehova” likutuliya ku zina la Chiheberi lo liwoneka kuti ling’anamuwa kuti “Wachitiska Kuja.” Yehova wakhumba kuti tiziŵi zina laki. (Ekisodo 3:15) Kumbi tiziŵa wuli venivi? Mu Bayibolu musanirika zina laki maulendu ngakujumpha 7,000! a “Chiuta wauneneska kuchanya ndipuso pacharu chapasi,” ndiyu pe waziŵika ndi zina lakuti Yehova.—Dotoronome 4:39.
2. Kumbi Bayibolu lititikambiyanji vakukwaskana ndi Yehova?
Bayibolu lititikambiya kuti pa achiuta wosi wo ŵanthu atiŵasopa, Yehova pe ndiyu Chiuta wauneneska. Chifukwa wuli? Pe vifukwa vinandi. Yehova ndiyu we ndi mazaza ngosi ndipu iyu ndiyu “Wapachanya Limu pacharu chosi chapasi.” (Ŵerengani Salimo 83:18.) Yehova ndi Chiuta “Wanthazizosi.” Venivi ving’anamuwa kuti iyu we ndi nthazi ukongwa ndipu wangachita chechosi cho wakhumba. Iyu ‘wakulenga vinthu vosi’ va muchilengedu kusazgapu vamoyu vo ve pacharu chapasi. (Chivumbuzi 4:8, 11) Mwakupambana ndi weyosi, Yehova wengaku kwamba kali ndipu waŵengeku mpaka muyaya.—Salimo 90:2.
SAMBIRANI VINANDI
Wonani kupambana pakati pa mazina ngaudindu ngaku Chiuta ndi zina laki chayilu lapade. Kweniso wonani mo wakukuvumbuliyani zina laki ndipuso chifukwa chaki.
3. Chiuta we ndi mazina nganandi ngaudindu kweni zina laki chayilu ndimoza
Kuti muwoni kupambana pakati pa mazina ngaudindu nga munthu ndi zina laki chayilu, woneriyani VIDIYO, pavuli paki kambiskanani fumbu ili:
-
Kumbi mazina ngaudindu nge lakuti “ambuya,” ngapambana wuli ndi zina chayilu?
Bayibolu likamba kuti pe achiuta anandi wo ŵanthu asopa. Ŵerengani Salimo 136:1-3, pavuli paki kambiskanani fumbu ili:
-
Kumbi “Chiuta wa achiuta” ndipuso “Mbuya wa ambuya” ndiyani?
4. Yehova wakhumba kuti muliziŵi zina laki kweniso kuti muligwiriskiyengi ntchitu
Ntchinthu wuli chilongo kuti Yehova wakhumba kuti muliziŵi zina laki? Woneriyani VIDIYO, pavuli paki kambiskanani fumbu ili:
-
Muwona kuti ntchifukwa wuli Yehova wakhumba kuti ŵanthu aliziŵi zina laki?
Yehova wakhumba kuti ŵanthu agwiriskiyengi ntchitu zina laki. Ŵerengani Aroma 10:13, pavuli paki kambiskanani mafumbu yanga:
-
Ntchifukwa wuli tikhumbika kugwiriskiya ntchitu zina laku Chiuta lakuti Yehova?
-
Kumbi mutuvwa wuli asani munthu munyaki wakumbuka zina linu ndipu watikudanani zina lenilo?
-
Nanga muwona kuti Yehova watuvwa wuli asani mugwiriskiya ntchitu zina laki?
5. Yehova wakhumba kuti muje nayu pa ubwezi
Munthukazi munyaki wa ku Cambodia zina laki Soten wangukamba kuti kuziŵa zina laku Chiuta kungumuwovya kuti wakondwengi ukongwa kuluska kali. Woneriyani VIDIYO, pavuli paki kambiskanani fumbu ili:
-
Nge po tawone mu vidiyo, kumbi Soten wangukwaskika wuli wati waziŵa zina laku Chiuta?
Munthu wechendaje mubwezi winu mutamba dankha kuziŵa zina laki. Ŵerengani Yakobe 4:8a, pavuli paki kambiskanani mafumbu yanga:
-
Kumbi Yehova watikupemphani kuti muchitenji?
-
Kumbi kuziŵa zina laku Chiuta ndi kuligwiriskiya ntchitu kungakuwovyani wuli kuti muje nayu pa ubwezi?
ŴANTHU ANYAKI AKAMBA KUTI: “Chiuta waliku yumoza, tingamudana zina lelosi.”
-
Kumbi musimikiza kuti zina laku Chiuta ndi Yehova?
-
Kumbi muziŵa wuli kuti Chiuta wakhumba kuti tigwiriskiyengi ntchitu zina laki?
KUMBI MWASAMBIRANJI?
Chiuta wauneneska zina laki ndi Yehova. Iyu wakhumba kuti tiliziŵi zina laki ndipuso kuti tiligwiriskiyengi ntchitu kuti tije nayu pa ubwezi.
Kuweriyamu
-
Kumbi Yehova wapambana wuli ndi achiuta anyaki wosi wo ŵanthu atiŵasopa?
-
Ntchifukwa wuli tikhumbika kugwiriskiya ntchitu zina laku Chiuta?
-
Ntchinthu wuli chilongo kuti Yehova wakhumba kuti muje nayu pa ubwezi?
FUFUZANI
Wonani vifukwa vinkhondi vo vititichitiska kuti tigomezgengi kuti Chiuta waliku nadi.
Ntchifukwa wuli mphakuvwika kugomezga kuti Chiuta wengaku kwamba kali?
“Kumbi Ndiyani yo Wakupanga Chiuta?” (Chigongwi cha Alinda, September 1, 2014)
Wonani chifukwa cho titenere kugwiriskiya ntchitu zina laku Chiuta, chinanga kuti tiziŵa umampha cha mo kali alizumbuliyanga.
Kumbi palivi suzgu kumudana zina lelosi Chiuta? Wonani chifukwa cho tikambiya kuti zina laki chayilu ndimoza.
“Kumbi Chiuta we ndi Mazina Ngalinga?” (Nkhani ya pa webusayiti)
a Kuti muziŵi vinandi vakukwaskana ndi vo zina laku Chiuta ling’anamuwa ndipuso chifukwa cho ŵanthu anyaki akulituzgiyamu mu Mabayibolu nganyaki, wonani Fundu Zakukumaliya A4 mu Bayibolu la Charu Chifya la Malemba Ngakupaturika.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
