SAMBIRU 33
Vo Ufumu Waku Chiuta Wazamuchita
Ufumu waku Chiuta ukwamba kali kulamuliya. Pambula kuswera yapa usinthengi vinthu vikuluvikulu pacharu chapasi. Tiyeni tiwoni vinthu vinyaki vamampha vo tilindizga kuti Ufumu waku Chiuta wazamuchita.
1. Kumbi Ufumu waku Chiuta wazamuchita wuli kuti uweziyepu chimangu ndipuso urunji pacharu?
Pa nkhondu ya Aramagedoni, Yesu yo ndi Fumu ya Ufumu waku Chiuta wazamutuzgapu ŵanthu aheni pacharu kweniso maboma ngosi nga ŵanthu. (Chivumbuzi 16:14, 16) Pa nyengu yeniyo, uchimi uwu wa mu Bayibolu wazamufiskika: “Kwaja kanyengu kamanavi ndipu ŵanthu aheni azamuŵaku so cha.” (Salimo 37:10) Mwakugwiriskiya Ntchitu Ufumu, Yesu wazamuwonesesa kuti pacharu chosi pe chimangu ndipuso urunji.—Ŵerengani Yesaya 11:4.
2. Kumbi umoyu wazamukuŵa wuli asani khumbu laku Chiuta lazifiskika pacharu chapasi?
Asani Ufumu waku Chiuta waziyamba kulamuliya charu chosi, “ŵanthu arunji azamulonde charu chapasi, ndipu azamuja mwenimo kwamuyaya.” (Salimo 37:29) Yeruzgiyani kuti muja mucharu cho munthu weyosi ndi murunji, watanja Yehova ndipuso watanja anyaki! Palivi yo wazamutama ndipu weyosi wazamuja kwamuyaya.
3. Kumbi ndi vinthu wuli vo Ufumu waku Chiuta wazamuchita asani ŵanthu aheni wosi azibayika?
Asani ŵanthu aheni wosi azibayika, Yesu wazamulamuliya nge Fumu kwa vyaka 1,000. Pa nyengu iyi, iyu limoza ndi anyaki 144,000 wo walamuliya nawu azamuwovya ŵanthu pacharu chapasi kuti aje akufikapu kweniso ambula ubudi. Kukumaliya kwa vyaka 1,000 venivi, charu chapasi chazamuja paradayisu wakutowa ukongwa, ndipu pazamujanga ŵanthu akukondwa wo Yehova waŵatumbika chifukwa chakuvwiya marangu ngaki. Pavuli paki, Yesu wazamuweze Ufumu kwa Awisi a Yehova. Pa nyengu iyi, ‘zina laku Yehova lazamutowa’ ukongwa. (Mateyu 6:9, 10) Pazamuŵavi so kukayikiya kuti Yehova ndi Fumu yamampha ndipuso waphwere ŵanthu ŵaki. Pakumaliya, Yehova wazamubaya Satana ndi viŵanda vaki kweniso munthu weyosi yo wazamugarukiya ulamuliru Waki. (Chivumbuzi 20:7-10) Vinthu vosi vamampha vo Ufumu waku Chiuta wazamuchita pacharu chapasi vazamujaku kwamuyaya.
SAMBIRANI VINANDI
Wonani chifukwa cho tigomezge kuti Chiuta wazamugwiriskiya ntchitu Ufumu kuti wafiski vinthu vosi vamampha vo Bayibolu likamba kuti vichitikengi kunthazi.
4. Ufumu waku Chiuta wazamutuzgapu maboma ngosi nga ŵanthu
“Munthu wapweteka munthu munyaki pakumulamuliya.” (Wakutawula 8:9) Mwakugwiriskiya ntchitu Ufumu waki, Yehova wazamutuzgapu vinthu vambula urunji venivi.
Ŵerengani Daniyeli 2:44 ndipuso 2 Atesalonika 1:6-8, pavuli paki kambiskanani mafumbu yanga:
-
Kumbi Yehova ndi Mwana waki Yesu azamuchitanji nangu maboma nga ŵanthu limoza ndi ŵanthu ŵawu?
-
Kumbi vo mwasambira vakukwaskana ndi Yehova ndipuso Yesu, vitikusimikiziyani wuli kuti yiwu azamuchita vinthu mwaurunji?
5. Yesu ngwakwenere nadi kuja Fumu
Nge Fumu ya Ufumu waku Chiuta, Yesu wazamuchita vinthu vinandi kuti wawovyi ŵanthu pacharu chapasi. Woneriyani VIDIYO kuti muwoni kuti Yesu wakhumbisiska kuwovya ŵanthu ndipuso kuti Chiuta wakumupaska nthazi zakuchitiya venivi.
Vinthu vo Yesu wanguchita po wenga pacharu chapasi, vingulongo vo Ufumu wazamuchita. Kumbi ndi vitumbiku nivi pa vitumbiku ivi vo mukhumba kuziwona kuti vafiskika? Ŵerengani malemba ngo ngaŵikika kunthazi kwa vitumbiku venivi ngo ngatitiwovya kuziŵa vinandi.
|
PO WENGA PACHARU, YESU . . . |
WE KUCHANYA, YESU . . . |
|---|---|
|
|
|
|
|
|
|
|
6. Ufumu waku Chiuta wazamuchitiska kuti vinthu vizije umampha kunthazi
Ufumu waku Chiuta wazamufiska vinthu vosi vo Yehova wakhumbanga kuchitiya ŵanthu pakwamba. Ŵanthu azamuja kwamuyaya mu paradayisu pacharu chapasi. Woneriyani VIDIYO kuti muwoni mo Yehova wagwiriskiya ntchitu Mwana waki Yesu kuti wafiski khumbu Laki.
Ŵerengani Salimo 145:16, pavuli paki kambiskanani fumbu ili:
-
Kumbi mutuvwa wuli kuziŵa kuti Yehova wazamupaska “chamoyu chechosi . . . vo chikhumba”?
ŴANTHU ANYAKI AKAMBA KUTI: “Asani tingakoliyana waka, tingamalisa masuzgu ngosi pacharu.”
-
Kumbi ndi masuzgu nanga ngo Ufumu waku Chiuta wazamumalisa ngo maboma nga ŵanthu ngatondeka kungamalisa?
KUMBI MWASAMBIRANJI?
Ufumu waku Chiuta wazamufiska vo iyu wakhumba kuti vichitiki. Ufumu uwu wazamusintha charu chosi kuti chije paradayisu yo pazamuja ŵanthu wo azamusopa Yehova kwamuyaya.
Kuweriyamu
-
Kumbi Ufumu waku Chiuta wazakulitowesa wuli zina laku Yehova?
-
Ntchifukwa wuli tigomezga kuti Ufumu waku Chiuta wazamufiska vinthu vamampha vo Bayibolu likamba kuti vichitikengi kunthazi?
-
Kumbi ndi vinthu wuli vo Ufumu wazamuchita vo yimwi mukhumbisiska kuziwona?
FUFUZANI
Ziŵani vo mazu ngakuti Aramagedoni ngang’anamuwa.
“Kumbi Nkhondu ya Aramagedoni ndi Nkhondu Wuli?” (Nkhani ya pa webusayiti)
Wonani vo vazamuchitika mu ulamuliru waku Yesu wa vyaka 1,000 kweniso vo vazamuchitika kukumaliya kwa vyaka venivi.
Wonani vo mabanja ngangachita pakuŵanaŵaniya vinthu vamampha vo Ufumu wazakutichitiya kunthazi.
Ŵerengani nkhani yakuti “Ndenga ndi Mafumbu Nganandi Ukongwa,” kuti muwoni mo chigaŵenga chingumukikiya mafumbu ngaki.
“Bayibolu Lisintha Ŵanthu” (Chigongwi cha Alinda, January 1, 2012)
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
