Kuli Mamuuvi, Mabbuku Naakuti Miimbo Ngibakasya Na Bakamboni baJehova?
Peepe. Mbunga yesu taakwe nibabikka mulawu atala amamuuvi, mabbuku naakuti miimbo aayelede kutantamukwa aabantu. Nkamboonzi?
Bbayibbele lisungwaazya muntu umwi awumwi kuti ayiisye ‘maanu’ aabo kuti basiyanisye chibi achibotu.—Bahebrayo 5:14.
Magwalo alaamalayilile aakonzya kugwasya muKristu kuti abone zintu zilikabotu chiindi nasala zyakulikondelezya. a Makanze eesu ngakuti muzyiimo zyoonse nzituswaana mubuumi, tuyanda kubaachoonzyo chakuti choonse nchituchita “cilatambulika ku Mwami.”—Baefeso 5:10.
Bbayibbele liyiisya kuti silutwe wamumpuli imwi ayimwi ulaamanguzu aakusalila bamumpuli yakwe nzibeelede kulikondelezyaazyo. (1 Bakorinto 11:3; Baefeso 6:1-4) Muntu uutali wamumpuli, tazumizigwi pe kuti akasye bamwi kuti beebele muuvi naakuti miimbo, malayilile aaya ngawo ngibabelesya Bakamboni boonse.—Bagalatiya 6:5.
a Muchikozyano, Bbayibbele lilakasya kuti tulikondelezye aazintu zyachidimoni, zyabwaami naakuti zyakulwana.—Deuteronomo 18:10-13; Baefeso 5:3; Bakolose 3:8.