Ino Ncinzi Cini Bbaibbele Ncoliyiisya?
Bbuku eeli ilibelesyegwa kwiiya Bbaibbele lyakapangwa munzila iikonzya kumugwasya kwiiya ncolyaamba Bbaibbele kujatikizya makani aiindene-indene, kubikkilizya akaambo ncotupengela, cicitika twafwa, mbotukonzya kukkomana mumukwasyi, azimbi zinji.
Sena Eeci Ncaakakanzide Kucita Leza?
Mulakonzya kulibuzya kaambo ncokuli mapenzi manji mazuba aano. Sena mulizyi kuti Bbaibbele lyaamba kuti kucinca kwini-kwini kulaboola alimwi akuti inga mwagwasyigwa?
CIBALO 1
Ino Ninjiisyo nzi Zyakasimpe Ziliko Kujatikizya Leza?
Sena muyeeya kuti Leza ulamulanganya lwanu kumugama? Amwiiye kujatikizya bube bwakwe alimwi ambomukonzya kuba acilongwe anguwe.
CIBALO 2
Ibbaibbele
Mbuti Bbaibbele mbolikonzya kumugwasya kuliyumya mumapenzi ngomujisi? Nkaambo nzi ncomukonzya kubusyoma businsimi bulembedwe mu Bbaibbele?
CIBALO 3
Ino Leza Ujisi Makanze nzi Kujatikizya Nyika?
Sena makanze aa Leza kujatikizya paradaiso anyika ayoozuzikizyigwa? Ikuti kacili boobo, ino ndilili?
CIBALO 4
Ino Jesu Kristo Nguni?
Amwiiye kaambo Jesu ncali Mesiya wakasyomezyegwa, nkwaakazwa, alimwi akaambo ncali mwana wa Jehova simuzyalwaalikke.
CIBALO 5
Icinunuzyo
Ino cinunuzyo ninzi? Mbuti mbomukonzya kugwasyigwa akaambo kancinco?
CIBALO 6
Ino Bafwide Bali Kuli?
Amwiiye ncolyaamba Bbaibbele kujatikizya nkobabede bafwide alimwi akaambo bantu ncobafwida.
CIBALO 7
Bulangizi Bwini-Bwini Kubayandwa Benu Bafwide
Sena mwakafwidwa muyandwa wanu? Sena cilakonzyeka kuyoobabona alimwi? Amwiiye ncoliyiisya Bbaibbele kujatikizya bubuke
CIBALO 8
Ino Bwami bwa Leza Ninzi?
Bantu banji baluuzi mupailo wa Mwami. Ino majwi aaya aamba nzi aakuti: “Abuboole Bwami bwako”?
CIBALO 9
Sena Tupona “Kumazuba Aakumamanino”?
Amubone zintu zicitika mbozitondezya kuti tupona “kumazuba aamamanino” aayo aakasinsimwa mu Bbaibbele.
CIBALO 10
Mbozitujatikizya Zilenge Zyamuuya
Bbaibbele lilaamba kujatikizya bangelo alimwi amadaimona. Sena zilenge eezyi zyamuuya nkozili ncobeni? Sena inga zyabujatikizya buumi bwanu?
CIBALO 11
Nkaambo nzi Leza Ncalekelede Kupenga?
Bantu banji bayeeya kuti tweelede kupa Leza mulandu akaambo kakupenga kuli munyika. Ino muyeeya buti? Amwiiye Leza ncaamba kujatikizya twaambo ncokuli kupenga.
CIBALO 12
Ikupona Munzila Iikkomanisya Leza
Cilakonzyeka kupona buumi bukkomanisya Jehova. Mubwini, inga mwaba mulongwe wakwe.
CIBALO 13
Ikubulanga Mbwabulanga Leza Buumi
Ino Leza ukubona buti kugusya da, kubikkwa bulowa, alimwi abuumi bwamunyama?
CIBALO 14
Mbomunga Mwacita Bukkale Bwanu Bwamumukwasyi Kuba Bwalukkomano
Luyando Jesu ndwaakatondezya ncikozyanyo ncobakonzya kwiiya bamalumi, bamakaintu, bazyali alimwi abana. Ino ncinzi ncotwiiya kulinguwe?
CIBALO 15
Kukomba Nkwakkomanina Leza
Amulange zintu zili cisambomwe izizibya baabo ibakomba Leza mwini-mwini.
CIBALO 16
Amukakatile Kubukombi Bwakasimpe
Ino mbuyumu-yumu nzi mbomukonzya kujana ciindi nomwaambila bamwi kujatikizya nzyomusyoma? Ino mbuti mbomukonzya kucita boobo kakunyina kubanyemya?
CIBALO 17
Amube Acilongwe a Leza Kwiinda Mumupailo
Sena Leza ulaiswiilila mipailo njotupaila? Kutegwa mwiingule mubuzyo ooyu, mweelede kumvwisya Bbaibbele ncoliyiisya kujatikizya mupailo.
CIBALO 18
Lubbapatizyo Acilongwe Canu a Leza
Ino nintaamu nzi nzyomweelede kuzuzikizya kutegwa mweelele kubbapatizyigwa? Amuzyibe lubbapatizyo ncolwiiminina alimwi ambolweelede kucitwa.
CIBALO 19
Amuzumanane Kukkala Muluyando lwa Leza
Mbuti mbotukonzya kutondezya luyando alimwi akulumba akaambo kazintu zyoonse Leza nzyaatucitila?
MAKANI AAYUNGIZYIDWE
Izina lya Leza
Izina lya Leza limugeme lyakagwisyigwa muma Bbaibbele manji. Ino nkaambo nzi? Sena kubelesya zina lya Leza kulayandika kapati?
MAKANI AAYUNGIZYIDWE
Ibusinsimi bwa Daniele Mbobusinsima Kusika kwa Mesiya
Kakucili myaka iinda ku 500, Leza wakaamba ciindi cigaminide eelyo Mesiya naakali kuyoosika. Amwiiye kujatikizya businsimi oobu bugambya!
MAKANI AAYUNGIZYIDWE
Jesu Kristo
Jesu wakabuzuzikizya businsimi boonse bwamu Bbaibbele kujatikizya Mesiya. Amusinizye kwiinda mukulanga mu Bbaibbele lyanu kuti businsimi oobu bwakazuzikizyigwa.
MAKANI AAYUNGIZYIDWE
Injiisyo Zyakasimpe Kujatikizya Taata, Mwana Alimwi a Muuya Uusalala
Bantu banji basyoma kuti njiisyo ya Butatu ilajanika mu Bbaibbele. Sena aayo masimpe?
MAKANI AAYUNGIZYIDWE
Banakristo Bakasimpe Ncobatabelesyi Ciingano Mubukombi
Sena ncobeni Jesu wakafwida aciingano? Amubale bwiinguzi mu Bbaibbele.
MAKANI AAYUNGIZYIDWE
Mulalilo wa Mwami
Banakristo balaililwa kucita Ciibalusyo calufwu lwa Kristo. Ndilili alimwi mbuti mboceelede kucitwa ciibalusyo?
MAKANI AAYUNGIZYIDWE
Sena Ncobeni Kuli Cibeela Citalibonyi Alimwi Citafwi Ncobajisi Bantu?
Bantu banji bayeeya kuti ikuti muntu afwa kuli cibeela citalibonyi icizumanana kupona. Ino ncinzi Jwi lya Leza ncolitwaambila?
MAKANI AAYUNGIZYIDWE
Ino Sheʼohlʹ a Haiʹdes Ninzi?
Ma Bbaibbele aambi abelesya mabala aakuti “cuumbwe” naa “helo” kwiiminina Sheʼohlʹ a Haiʹdes. Ino mabala aaya ncinzi cini ncaamba?
MAKANI AAYUNGIZYIDWE
Ino Buzuba Bwalubeta Ninzi?
Amubone Buzuba Bwalubeta mbobunooli cilongezyo kubantu basyomeka.
MAKANI AAYUNGIZYIDWE
1914
Ino mbumboni nzi buliko butondezya kuti mwaka wa 1914 wakali mwaka uuyandika kapati?
MAKANI AAYUNGIZYIDWE
Ino Mikayeli Angelo Simutwe Nguni?
Bbaibbele lilaamba kuti nguni ooyu angelo simutwe wanguzu. Amwiiye kujatikizya nguwe alimwi ancacita lino.
MAKANI AAYUNGIZYIDWE
Ikuzyiba “Babuloni Mupati”
Bbuku lya Ciyubunuzyo lilaamba kujatikizya mukaintu wazina lya “Babuloni Mupati.” Sena ooyu mukaintu mwini-mwini? Ino ncinzi Bbaibbele ncolyaamba kujatikizya nguwe?
MAKANI AAYUNGIZYIDWE
Sena Jesu Wakazyalwa mu December?
Amulange-lange mbozyibede zintu kujatikizya mbokuba aciindi camwaka eeco ciindi naakazyalwa Jesu. Ino eeco citwaambila nzi?
MAKANI AAYUNGIZYIDWE
Sena Tuleelede Kusekelela Mazuba Aakulyookezya?
Ino mazuba aakulyookezya aadumide nkomukkala akatalika buti? Bwiinguzi inga bwamugambya.
