Salamo 141:1-10
Salamo a Davida.
141 E Iehova, te tiaoro nei au ia oe.+
A haere oioi mai e tauturu ia ˈu.+
A faaroo mai ia ˈu ia tiaoro atu vau ia oe.+
2 Ia riro ta ˈu pure mai te mea noˈanoˈa+ i faaineinehia i mua ia oe,+Ta ˈu mau taparuraa mai te tusia huero maa o te ahiahi.+
3 A tuu i te hoê tiai no to ˈu vaha, e Iehova,A faanaho i te hoê tiairaa i te opani o to ˈu vaha.+
4 Eiaha e vaiiho i to ˈu aau ia fariu i te mea ino ra,+Ia ore au ia rave i te ohipa ino na muri i te feia ino.Eiaha roa vau ia amu i ta ratou mau maa maitatai.
5 Ia tupai te taata parau-tia ia ˈu, e tapao ïa o te here taiva ore.+Ia tamaˈi oia ia ˈu, e au ïa te reira i te monoˈi i nia i to ˈu upoo,+O ta to ˈu upoo e ore roa ˈtu e patoi.+
I roto atoa i to ˈna mau ati, e pure noa â vau no ˈna.
6 E taorahia to ratou mau haava mai nia mai i te mato tarere.Area te taata, e faaroo ïa ratou i ta ˈu mau parau, mea au hoi te reira.
7 Mai te hoê taata e arote ra a haaparahurahu ai i te repo,Ua haapurarahia to matou mau ivi i te auvaha o te Apoo.*
8 Tei nia râ ia oe to ˈu mata, e te Arii hau ê e Fatu ra o Iehova e.+
Ua imi au i te haapuraa ia oe ra.
Eiaha e rave i to ˈu ora.
9 A paruru ia ˈu i te marei ta ratou i tuu no ˈu,I te mau marei a te feia ohipa ino.
10 E marua pauroa te feia ino i roto i ta ratou iho mau upeˈa.+Area o vau, e haere noa ïa vau ma te ati ore.