Salamo 52:1-9
Na te aratai o te feia himene. Masekila* a Davida a haere ai Doega ati Edoma e faaite ia Saula e ua haere Davida i te fare o Ahimeleka.+
52 Eaha oe e faateitei ai no ta oe mau ohipa iino, e teie taata mana e?+
E vai te here taiva ore o te Atua i te mahana taatoa.+
2 To arero oi mai te reta,+Te opua ra ïa i te mea ino e te haa ra ma te haavare.+
3 Mea au aˈe na oe i te ino i te maitai,Mea au aˈe na oe i te haavare i te parauraa i te mea tia. (Sela)
4 Mea au na oe i te mau parau haamauiui atoa,E te arero haavare e!
5 No reira, e tairi te Atua ia oe e eita roa oe e tia faahou mai.+E haru oia ia oe a hopoi ê atu ai ia oe mai to oe ra fare ie.+E iriti tumu oia ia oe mai te fenua mai o te feia ora.+ (Sela)
6 E ite te feia parau-tia i te reira e e faahiahia roa ratou,+E ata ratou i taua taata ohipa ino ra.+
7 “Teie te tahi taata o tei ore i faariro i te Atua ei haapuraa no ˈna,+Ua tiaturi râ oia i te rahi o ta ˈna mau taoˈa+E ua tiaturi oia i ta ˈna iho mau opuaraa iino.”
8 E riro râ vau mai te hoê tumu olive ruperupe i roto i te fare o te Atua.E tiaturi au i te here taiva ore o te Atua+ e a muri noa ˈtu.
9 E arue au ia oe e a muri noa ˈtu no ta oe ohipa.+I mua i to nunaa taiva ore,E tiaturi au i to iˈoa,+ mea maitai hoi te reira.