26-ДӘРИС
Немә үчүн бу дунияда яманлиқлар вә азап-оқубәтләр көп?
Адәмләр паҗиәлик вақиәләргә дуч кәлгәндә, тәбиийла: «Немә үчүн бундақ ишлар йүз бериду?»— дәп сорайду. Муқәддәс китапниң мошу соалға бәргән ениқ җавави кишиниң көңлини сөйүндүриду!
1. Бу дунияда яманлиқ қандақ пәйда болған?
Шәйтан Иблис Тәңри Йәһваға қарши исиян көтәргән. У башқилар үстидин һөкүмранлиқ қилишни халиған еди. Шуңа Шәйтан Адәм ата билән Һава анини аздуруп, уларни өзиниң исияниға қошулушқа дәвәт қилған. У өз мәхситигә йетиш үчүн Һава аниға ялған ейтқан еди (Яритилиш 3:1—5). Шәйтан Һава анини Йәһва Худа яхши нәрсини униңға бәрмәйватиду дегән ойға кәлтүргән. У йәнә инсанлар Худаниң сөзигә қулақ салмиса, бәхитлигирәк яшалайду дегәнни йошурун көрсәткән. Шәйтан Һава аниға һәргиз өлмәйсән дейиш арқилиқ тунҗа ялған сөзни ейтқан. Шуңа Муқәддәс китап Шәйтанни ялғанчи вә ялғанчилиқниң атисидур дәйду (Йоһан 8:44).
2. Адәм ата вә Һава ана қандақ қарар чиқарған?
Йәһва Худа Адәм ата билән Һава аниға Ерәм беғидики һәрхил дәрәқләрниң мевисини йейишкә рухсәт берип, сехийлиқ көрсәткән еди. Бирақ бирла дәрәқниң мевисини йемәсликни ейтқан (Яритилиш 2:15—17). Адәм ата билән Һава ана Худаниң сөзигә қулақ салмаслиқни қарар қилған. Шуңа авал Һава ана мевидин елип йегән, кейин Адәм атиму униңдин йегән (Яритилиш 3:6). Һәр иккилиси Худаға итаәтсизлик қилған. Адәм ата билән Һава ана мукәммәл яритилғачқа, уларниң тоғра иш қилиш хаһиши бар еди. Улар Худаға қәстән итаәтсизлик қилишни таллап, гуна өткүзүп, Худаниң һөкүмранлиқ һоқуқини рәт қилған. Нәтиҗидә, чиқарған қарари уларниң бешиға еғир азап-оқубәтләрни елип кәлгән (Яритилиш 3:16—19).
3. Тунҗа инсанларниң қарари бизгә қандақ тәсир қилған?
Адәм ата билән Һава ана гуна қилғанда, улар намукәммәл болуп қалған вә намукәммәлликни кәлгүсидә туғулидиған әвлатлириға мирас қалдурған. Муқәддәс китап Адәм ата һәққидә шундақ дәйду: «Шуңлашқа гуна бир адәм арқилиқ һәм гуна арқилиқ өлүм дунияға кирди һәм шундақларчә, өлүм барлиқ адәмләргә өтти» (Римлиқларға 5:12).
Азап-оқубәт чекишимизниң түрлүк сәвәплири бар. Бәзидә өзүмизниң хата қарари яки башқиларниң чиқарған қарари түпәйли, қайғу-һәсрәтләрни чекимиз. Бәзидә күтмигән вақитта, күтүлмигән җайда тәсадипий ишларға дуч келип, азап-оқубәт чекимиз (Вәз 9:11ни оқуң).
ЧОҢҚУРИРАҚ ҚЕЗИҢ
Бу дуниядики яманлиқлар вә азап-оқубәтләргә Худа сәвәпчи әмәслиги вә биз азап-оқубәтләрни чәккәндә, Худа қандақ һис-туйғуда болидиғанлиғини биливелиң.
4. Азап-оқубәтлиримизгә ким сәвәпчи?
Нурғун кишиләр бу дунияни Худа башқуриду дәп чүшиниду. Бу растму? ВИДЕОНИ көрүң.
Яқуп 1:13 вә Йоһанниң 1-хети 5:19ни оқуң, кейин төвәндики соалға җавап бериң:
-
Инсанлар чекиватқан азап-оқубәтләр вә яманлиқларға Худа сәвәпчиму?
5. Шәйтанниң һөкүмранлиғиниң нәтиҗиси
Яритилиш 3:1—6ни оқуң, кейин төвәндики соалларға җавап бериң:
-
Шәйтан қандақ ялған сөзлигән? (4, 5-айәтләрни көрүң.)
-
Шәйтан Яратқучи Йәһвани инсанларға яхши нәрсини бәрмәйду дегәнни қандақ йошурун көрсәтти?
-
Шәйтанниң сөзлиригә асасланғанда, инсанлар бәхитлик яшаш үчүн Худаниң һөкүмранлиғиға муһтаҗ боламду?
Вәз 8:9ни оқуң, кейин төвәндики соалға җавап бериң:
-
Йәһва Худаниң һөкүмранлиғисиз бу дунияда немә ишлар йүз бериватиду?
-
А. Адәм ата билән Һава ана мукәммәл болуп җәннәттә яшиған. Бирақ улар Шәйтанниң сөзигә кирип, Йәһва Худаға қарши исиян көтәргән
-
Ә. Исияндин кейин бу дуния гуна, азап-оқубәт вә өлүмгә толди
-
Б. Йәһва Худа гуна, азап-оқубәт вә өлүмни йоқ қилиду. Инсанлар қайтидин мукәммәл болуп, җәннәттә яшайду
6. Йәһва Худа азап-оқубәтлиримизгә көңүл бөлиду
Биз азап-оқубәт чәксәк, Худа бизгә көңүл бөләмду? Давут падиша вә әлчи Паул бу тоғрисида немиләрни язғанлиғини оқуп беқиң. Зәбур 31:7 вә Петрусниң 1-хети 5:7ни оқуң, кейин төвәндики соалға җавап бериң:
-
Йәһва Худа чекиватқан қайғу-һәсрәтлиримизни көриду вә бизгә көңүл бөлиду. Буни билиш сизгә қандақ тәсир қилиду?
7. Худа барлиқ инсанларниң азап-оқубәтлирини йоқ қилиду
Йәшая 65:17 вә Вәһий 21:3, 4ни оқуң, кейин төвәндики соалларға җавап бериң:
-
Йәһва Худа барлиқ яманлиқларни вә шулар түпәйли пәйда болған зиянларни йоқ қилиду. Буни билиш сизгә тәсәлли берәмду? Немә үчүн?
Сиз биләмсиз?
Шәйтан тунҗа ялғанни сөзлигәндә, Йәһва Худаға төһмәт қилған. Шу арқилиқ у Яратқучиниң адил, меһир-шәпқәтлик Һөкүмран дегән нам-унваниға дағ тәккүзгән. Пат-арида Йәһва Худа инсанларниң чәккән азап-оқубәтлирини йоқ қилғанда, Өз исмини ақлайду. Башқичә қилип ейтқанда, У Өз һөкүмранлиғиниң әң яхши екәнлигини испатлайду. Каинаттики әң муһим иш — Худа исминиң ақлиниши (Мәтта 6:9, 10).
БӘЗИЛӘР МУНДАҚ ДӘЙДУ: «Худа бизни синаш үчүн яратқан».
-
Сиз буниңға немә дәйсиз?
ХУЛАСӘ
Иблис Шәйтан вә Адәм ата билән Һава ана бу дуниядики яманлиқларниң сәвәпчилири. Йәһва Худа азап-оқубәтлиримизгә интайин көңүл бөлиду вә пат арида уларни йоқ қилиду.
Тәкрарлаш
-
Шәйтан Иблис Һава аниға қандақ ялған сөзлигән?
-
Адәм ата билән Һава аниниң исияни бизгә қандақ тәсир қилған?
-
Йәһва Худаниң азап-оқубәтлиримизгә көңүл бөлидиғанлиғини қандақ билимиз?
ИЗДИНИП КӨРҮҢ
Муқәддәс китапта гуна һәққидә немә ейтилғанлиғини биливелиң.
Ерәм беғида Шәйтанниң қандақ мәсилини оттуриға чиқарғанлиғи һәққидә көпирәк биливелиң.
«Худа азап-оқубәтләргә немә үчүн йол қойиду?» («Күзитиш мунари» 2014-жил, 1-январь)
Көп соралған соалниң кишигә тәсәлли беридиған җававини биливелиң.
«Немә үчүн чоң қирғинчилиқ йүз бәргән? Немә үчүн Худа уни тохтатмиған?» (Торбәттики мақалә)
Әтрапида йүз бериватқан азап-оқубәтләр һәққидә бир кишиниң немини чүшәнгәнлигини биливелиң.
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
