Li pondola, momo ekuatiso lia velapo li tunda ku “Suku una o lembeleka vana va sumua.”—2 Va Korindo 7:6.

•   Ongusu. Suku ka ku “lembeleka” poku upa ovitangi viosi o kuete, pole, o ci linga poku tambulula olohutililo viove eci o likutilila oku pinga ongusu yoku pandikisa. (Va Filipoi 4:13) Kolela okuti eye o yongola oku ku yevelela, momo Embimbiliya li popia hati: “Yehova yu ocipepi la vakuavitima via teka. O popela ava va kasi lovitima via samba.” (Osamo 34:18) Suku o pondola oku yevelela epingilo liove liekuatiso ndaño ku tẽla oku lombolola ovisimĩlo viove.—Va Roma 8:26, 27.

•   Ovolandu awa. Usonehi umue Wembimbiliya wa likutilila ku Suku hati: “Valondo nda kala nda ku vilikiya.” Ukualosamo wa pandikisa kesumuo liaye poku ivaluka okuti Suku o pondola oku ecela akandu etu. Eli olio esunga lieci eye a sapuila hati: “Nda ove o patekela olongole, helie o talama? Kokuove puãi ku li ongecelo hã ove hu sumbiwa.”—Osamo 130:1, 3, 4.

•   Elavoko. Suku wa likuminya oku tu ĩha elembeleko cilo kuenda noke o ka malako ovitangi viosi vi tu kokela esumuo. Eci eye a ka tẽlisa ohuminyo eyi, “ovina viale [oku kongelamo esumuo] ka vi ivalukiwa, ka vi sokoluiwa.”—Isaya 65:17.

 Kũlĩhĩsa: Olombangi Via Yehova osimbu va sandiliya ekuatiso li tunda ku Suku, ovo va sandiliyavo olonjila vikuavo vioku sakula uvei wesumuo. (Marko 2:17) Etu ka tua tumbikile onjila yimue yi kuamiwa poku sakuiwa; tu sima okuti omunu lomunu o sukila oku nõla onjila a kuama poku sakuiwa.