Xoossay kumetta saluwaaninne saˈan zawi baynna ba wolqqaa goˈettees. I zawi baynna biilooniyan qoodettiya xoolintteta waati medhdhidaakko Geeshsha Maxaafay hagaadan gees: “Intte aifiyaa xoqqu oottidi, saluwaa xeellite; he xoolintteta medhdhidai oonee? I [Xoossay] eta olanchchaadan kaalettees; eta qoodaakka erees. I eta ubbaakka eta sunttan sunttan xeesees. A anggaa gitatettaappenne a wolqqaa minotettaappe denddidaagan, etappe issoinne xayenna.”—Isiyaasa 40:25, 26.

 SHin Xoossay gita wolqqa xalla gidenna. Geeshsha Maxaafay I dosiyoobaynne ixxiyoobay deˈiyoogaa yootees. (Mazamure 11:5; Yohaannisa 3:16) Geeshsha Maxaafay asay haniyoobay A azzanttana danddayiyoogaakka yootees.—Mazamure 78:40, 41.