Nuuni gannate saˈan merinau sarotettaaninne ufayssan deˈanaadan Xoossay koyees!

SHin, ‘Hegee waanidi hanana danddayii?’ gaada qoppana danddayaasa. Hegaa Xoossaa Kawotettay ehaanaagaa Geeshsha Maxaafay yootees; qassi he Kawotettaabaanne Xoossay asaa naatussi halchidobaa ubba asay eranaadan i koyees.—Mazamure 37:11, 29; Isiyaasa 9:7.

Nuuni goˈettana mala Xoossay koyees.

Loˈˈo aaway ba naatussi kehabaa amottiyoogaadan, saluwan deˈiya nu Aaway nuuni merinau ufayttanaadan koyees. (Isiyaasa 48:17, 18) “Xoossai giidoogaa oottiya urai merinau” deˈanaagaa i yootiis.—1 Yohaannisa 2:17.

Xoossay nuuni ba ogiyan baana mala koyees.

Medhidaagee “nuuni baana mala, i nuna ba ogiyaa tamaarissana” koyiyoogaa Geeshsha Maxaafay yootees. (Isiyaasa 2:2, 3) I ba shenee saˈa ubban erettana mala ba sunttau “haniya asaa” giigissiis.—Oosuwaa 15:14.

Xoossay nuuni goynuwan issuwaa gidana mala koyees.

Yihoowa tumu goynoy asaa shaakkiyoogaappe, eti tumu siiquwan issuwaa gidanaadan oottees. (Yohaannisa 13:35) Xoossaayyo issippetettan oottiyo ogiyaa ha wodiyan ubbasan deˈiya attuma asaanne macca asaa tamaarissiiddi deˈiyaageeti oonee? Ha brooshuriyaappe hegaa loyttada erana mala nena minttettoos.