Nu ammaniyobawu denddoy Geeshsha Maxaafaa; yaatiyo gishshawu Geeshsha Maxaafay tamaarissiyobaa xeelliyagan oorattabaa akeekiyo wode, nu ammaniyobaa laammoos. a

 Hegaadan laammiyogee Leemiso 4:18n deˈiya “xillotu ogee gallassai seetana gakkanaashin, gujji gujji poo7iya maallado xalqqiyaa mala” giya Geeshsha Maxaafaa maaraara maayettees. Awa ayfiya pooˈoy gujji gujji biyo wode heeran deˈiyabay qoncci beettiyogaadan, Xoossay Geeshsha Maxaafan deˈiya tumaa ba keerido wodiyan ba asawu gujji gujji qonccissees. (1 Pheexiroosa 1:10-12) Geeshsha Maxaafan kasetidi odettidaagaadan, ‘wurssettaa wodiyan’ Xoossay hegaa eesoyiis.—Daaneela 12:4.

 Nuuni akeekidobaa hegaadan laammidoogan maalaalettana woy hanqqettana koshshenna. Beni wode Xoossaa ashkkaratikka eti balan qoppidobaa akeekidi bantta xeelaa laammido wodeti deˈoosona.

•   Muusee Israaˈeelata laˈa kessanawu Xoossay keerido wodiyappe 40 layttaa kasetidi qoppiis.—Oosuwa 7:23-25, 30, 35.

•   Masiya hayquwanne dendduwa xeelliyagan kasetidi odettida hiraagaa kiitettidaageeti akeekibeenna wodee deˈees.—Isiyaasa 53:8-12; Maatiyosa 16:21-23.

•   Beni Kiristtaanetuppe amaridaageeti ‘Yihoowa gallassaabaa’ balan qoppido wodee deˈees.—2 Tasalonqqe 2:1, 2.

 Xoossay eti bala qofaa giigissanaadan maaddiis; qassi nunakka hegaadan ubbatoo maaddanaadan woossoos.—Yaaqooba 1:5.