„იჸუაფ ღურელეფიშ გათელება“ (საქმეები 24:15).

• გურშა ემქექუანა, მუჟამსით ღურა მიდმამღანა საჸოროფო პიროვნებას (2 კორინთელები 1:3, 4).

• მათავისუფლენა ღურაშ შიშშე (ებრაელები 2:15).

• მაიმენდენა, ნამდა კინ ქობძირუნთ ჩქინ საჸოროფო ხალხის (იოანე 5:28, 29).

მუშო ოკო რაგად, ქო. თეშ არძაშ უნაკლებაშ სუმ მიზეზ არსებენს:

ღორონთ რე სიცოცხლეშ გუმაჭყაფალ. ბიბლია იჩიებ, ნამდა ღორონთშე „მოურს სიცოცხლე‘‘ (ფსალმუნი 36:9; საქმეები 17:24, 25). მუშო ოკო რაგად, ირფელიშ გუმაჭყაფალს ვა გუჭირდუ, ღურელეფს დურთინუას სიცოცხლე.

ღორონთიქ ჯვეშ დროს გათელ ღურელეფ. ბიბლიას მოჩამილ რე ახალგაზრდეფიშ, ხანშამიშულირეფიშ, ოსურეფიშ დო ქომოლკოჩეფიშ გათელებაშ ბრუო შემთხვევა; თინეფს სიცოცხლექ დართეს დედამიწას. ბიბლია იჩიებ, ნამდა გათელებურეფიშ უმენტაშ ბრელ ხანიშ ნაღურა ვარდჷ, მარა თეწკუმა ართო, მიშინუანს ოთხ დღაშ ნაღურა კოჩიშ გათელებაშ ამბეს (იოანე 11:39—44).

ღორონთიშ სურვილ რე, კინ გათელას ღურელეფ. იეჰოვას ჯოგჷ ღურა; თინა ნტერო მიშინუანს თის (1 კორინთელები 15:26). ღორონთის მანგარო ოკო, ბოლო მუღას თე ნტერს დო გათელებაშ საშვალებათ ართ დო სამუდამოთ მოსპას ღურა. თის ონატრ არძა, მით მუშ მეხსიერებას რე დო ელჷ თი დროს, მუჟამსით თინეფს კინ დურთინუანს სიცოცხლეს დედამიწას (იობი 14:14, 15).