Mbali 1 Kuwilisya
Akambilane yiwusyo ayi ni ŵakwajiganya:
Ana ni yakusangalasya yapi yajasasile Baibulo kuti yichitendekwa kusogolo?
(Alole Lijiganyo 02.)
Ana chichi chachikwatendekasya kukulupilila kuti Baibulo jili Maloŵe ga Mlungu?
(Alole Lijiganyo 03 soni 05.)
Ligongo chichi akusosekwa kukamulichisya masengo lina lyakuti Yehofa?
(Alole Lijiganyo 04.)
Baibulo jikusasala kuti “umi wosope uli wa kutyochela” kwa Mlungu. (Salimo 36:9) Ana wawojo akusakulupilila yeleyi?
(Alole Lijiganyo 06.)
Aŵalanje Misyungu 3:32.
Ligongo chichi kuŵa paunasi ni Yehofa kuli kwambone mnope?
Ana Yehofa akusajembecheya yamtuli kutyochela kwa ŵandu ŵali najo paunasi? Ana akuganisya kuti yeleyi yili yakupikanika?
(Alole Lijiganyo 07 soni 08.)
Aŵalanje Salimo 62:8.
Ana ni yindu yapi yele wawojo amsalile kala Yehofa mwipopelo? Ana ni yindu yine yapi yakusaka kumsalila Yehofa mwipopelo?
Ana Yehofa akusajanga chamtuli mapopelo?
(Alole Lijiganyo 09.)
Aŵalanje Ahebeli 10:24, 25.
Ana misongano ja Mboni sya Yehofa mpaka jakamuchisye chamtuli?
Ana akuyiwona kuti yili yakusosekwa kuti atendeje yiliyose yampaka akombole kuti asimanikweje pamisongano?
(Alole Lijiganyo 10.)
Ligongo chichi tukusosekwa kuŵalangaga Baibulo lisiku lililyose? Ana ndandanda jawo jakuŵalanjila Baibulo lisiku lililyose jili jamtuli?
(Alole Lijiganyo 11.)
Pakuŵalanga kwawo Baibulo, ana ni yindu yapi yasangalele nayo?
Ana asimene ni yakusawusya yiliyose chitandile kulijiganya Baibulo? Ana ni chichi champaka chakamuchisye kuti apitilisye kulijiganya Baibulo?
(Alole Lijiganyo 12.)
You May Also Like
YIWUSYO YAKUSANONYELA ŴANDU KUWUSYA
Ana Ljiganyo lya Baibulo Lyakusatendesya Ŵamboni sya Yehofa Likusatendekwa Mwamtuli?
Muyakambilana ni Ŵamboniyi akwete ufulu ŵakamulichisya masengo Baibulo jawo. Yili yakomboleka kwaŵilanga achimjawo soni ŵamwiŵasa mwawo kuti atende nawo lijiganyoli.
