Tu kʼiinil viernes 24 tiʼ febrero tiʼ 2023, yaan u tsʼáaik junpʼéel año káajak le guerra tu luʼumil Ucraniaoʼ. Tak tuʼux ojéelaʼaneʼ kex 300,000 soldadoʼob ucranianoʼob yéetel rusoʼobeʼ tsʼoʼok u yúuchul wa baʼax loobil tiʼob wa tsʼoʼok tak u kíimsaʼaloʼob. Ku tuklaʼal xaneʼ tsʼoʼok u kíimil kex 30,000 uláakʼ máakoʼob teʼ guerraoʼ. Chéen baʼaleʼ maʼ xaaneʼ tsʼoʼok u maas yaʼabtal le máakoʼob tsʼoʼok u kíimloʼoboʼ.

 U tristeileʼ mix baʼal eʼesik wa taʼaytak u xuʼulul le guerraoʼ.

•   «Taʼaytak u tsʼáaik junpʼéel año káajak u atacartaʼal Ucrania tumen le rusoʼoboʼ, kex beyoʼ mix baʼal eʼesik wa taʼaytak u xuʼulul le guerraoʼ. Mix juntúul u kʼáat perderiʼ, tsʼoʼoleʼ maʼ u kʼáatoʼob xan u chʼaʼob mix junpʼéel acuerdoiʼ» (NPR [radio pública nacional de Estados Unidos], 19 tiʼ febrero tiʼ 2023).

 Le oʼolal bakáan yaʼab máakeʼ jach yaj tu yóoloʼob u yilik u muʼyaj yaʼab máakoʼob inocenteʼob yoʼolal le guerraoʼ. ¿Baʼax esperanzail ku tsʼáaik le Bibliaoʼ? ¿Yaan wa u kʼuchul u kʼiinil u xuʼulul le guerraoʼ?

 Le Bibliaoʼ ku tʼaan tiʼ junpʼéel guerra. Chéen baʼaleʼ le guerra jeʼelaʼ yaan u salvartik yaʼab máakoʼob, ku yaʼalaʼal xan tiʼ Armagedón, tsʼoʼoleʼ kʼaj óolaʼan xan bey u «noj kʼiinil le Dios jach táaj yaan u poderoʼ» (Apocalipsis 16:14, 16). Teʼ guerraaʼ Dioseʼ yaan u xuʼulsik tiʼ u gobiernoʼob wíinik tumen tu culpaʼobeʼ táan u sen sufrir yaʼab máak. Utiaʼal a wojéeltik bix ken u taas jeetsʼelil le Armagedónoʼ ilawil le xookoʼobaʼ:

•   «¿Baʼax le Armagedónoʼ?».

•   «Le Armagedonoʼ yaan u salvartik wíinik».