Tekstoʼob ku maas tsoʼolol
Ilawil jach baʼax u kʼáat u yaʼal jujunpʼéel tekstoʼob tiʼ le Biblia jach kʼaj óolaʼanoʼoboʼ. Kéen a xok u contextoil le versículoʼoboʼ yaan u yáantkech a maas naʼat le tekstoʼoboʼ. Ilawil xan a xokik le notas ku taaskoʼ bey xan le uláakʼ tekstoʼob ku chʼaʼchiʼitaʼaloʼob teʼ versículoʼoboʼ.
Génesis 1:1 | «Tu káajbaleʼ Dioseʼ tu beetaj le kaʼanoʼoboʼ bey xan le luʼumoʼ»
Le bix u káajal Génesisoʼ ku kaʼansiktoʼon kaʼapʼéel baʼaloʼob jach importanteʼob, ¿máakalmáakoʼobiʼ?
Génesis 1:26 | «Koʼox beetik le máak jeʼex toʼoneʼ»
¿Máax yéetel táan kaʼach u tʼaan Dios?
Éxodo 20:12 | «Respetart a papá yéetel a maama»
Utiaʼal k-beetik yéetel kiʼimak oʼolal le baʼax ku yaʼalik le mandamientoaʼ Dioseʼ tu yaʼalaj xan baʼax utsiloʼob ken u taastoʼon wa k-beetik.
Números 6:24-26 | «Jéeoba ka u bendecirtech yéetel ka u kanáantech»
¿Baʼax u kʼáat u yaʼal le bendición tu yaʼalaj Aarónoʼ?
Josué 1:9 | «Maʼ a sajaktal mix u péek a wóol»
Kéen yanaktoʼon problemas wa le kéen sufrirnakoʼon yoʼolal wa baʼaxeʼ, ¿baʼax jeʼel u yáantkoʼon utiaʼal maʼ k-sajaktal mix u péek k-óol?
Salmo 23:4 | «Kex ka máanaken ichil u sen éeʼjochʼeʼenil u taamil áaktuneʼ maʼ bíin in chʼaʼ saajkil tiʼ mix junpʼéel loobiʼ»
Jéeobaeʼ, ¿bix u kanáantik le máaxoʼob meyajtik tak teʼ kʼiinoʼob maas difíciltakoʼoboʼ?
Salmo 37:4 | «Sen kiʼimakchajak a wóol ikil a meyajtik Jéeoba»
Le salmoaʼ, ¿bix u yáantkoʼon utiaʼal ka yanak k-naʼat yéetel ka lúubkoʼon utsil tiʼ Dios?
Salmo 46:10 | «¡Jetsʼkúuntabaʼex! ¡Kʼaj óolteʼexeʼ, teen [Jajal Diosen]!»
¿Le tekstoaʼ u kʼáat wa u yaʼal maʼ unaj u tʼaan máak le kéen xiʼik iglesia wa tuláakʼ tuʼux utiaʼal u adorart Diosiʼ?
Proverbios 16:3 | «Tsʼáa tu kʼab Yuumtsil tuláakal baʼax ka beetik»
Ilawil baʼaxten kʼaʼabéet u kaxtik máak u yáantaj Dios antes tiʼ u beetik wa baʼax.
Proverbios 17:17 | «Juntúul jach maʼalob amigoeʼ ku yeʼesik yaabilaj tiʼ tuláakal súutukil»
Le tekstoaʼ ku tʼaan tiʼ le yaabilaj ku yeʼesik juntúul jach maʼalob amigooʼ.
Proverbios 22:6 | «Utsil kaʼanbes le chan paal bejlaʼeʼ»
¿Máakalmáak le bej unaj u kaʼansaʼal tiʼ le paalaloʼoboʼ? ¿Letiʼ wa le tuʼux ku bin tuláakal máakoʼ?
Eclesiastés 3:11 | «Letiʼeʼ tsʼoʼok u beetik tuláakal baʼal kiʼichkelem yéetel jach tu kʼiinil»
Ichil le jatsʼuts baʼaloʼob u beetmaj Diosoʼ táakaʼan tuláakal le baʼaloʼob u beetmoʼ bey xan le baʼaxoʼob ku meyajtiʼ utiaʼal u béeykuntik u promesaʼoboʼ. ¿Baʼax unaj u péeksikoʼon k-beet leloʼ?
Isaías 26:3 | «Mantatsʼ ken a beet u yantaltiʼob jeetsʼelil»
¿Jeʼel wa u páajtal u yantal Jeetsʼelil tiʼ máak kex táan u máansik problemaseʼ? ¿Tiʼ máaxoʼob ken u tsʼáa jeetsʼelil Dios?
Isaías 40:31 | «Le máaxoʼob ku kʼubik u yóoloʼob tiʼ Jéeobaoʼ yaan u kaʼa antal u muukʼoʼob»
¿Baʼaxten le Bibliaoʼ ku yaʼalikeʼ beyoʼob águila le máaxoʼob ku tsʼaʼabal muukʼ tiʼob tumen Diosoʼ?
Isaías 41:10 | «Tiaʼanen ta wéeteleʼ, maʼ a chʼaʼik saajkil»
Jéeobaeʼ óoxpʼéel bix u yaʼalik tiʼ le máaxoʼob meyajtik de ke jach tu jaajil yaan u yáantkoʼoboʼ.
Isaías 42:8 | «Teen Yahveh»
¿Máakalmáak le kʼaabaʼ tu yéeyaj Dios utiaʼal u kʼaj óoltaʼaloʼ?
Jeremías 11:11 | «Nikaʼaj in taas junpʼéel nojoch loob tu yóokʼoloʼob»
¿Dios wa taas le «nojoch loob» yóokʼol u kaajaloʼ wa chéen tu chaʼaj u yúuchul?
Jeremías 29:11 | «Teneʼ in wojel baʼax ken in beet ta woʼolaleʼex»
¿Yaan wa baʼax u chʼaʼtukultmaj Dios utiaʼal cada máak?
Jeremías 33:3 | «Tʼaneniʼ, teen túuneʼ yaan in núukiktech»
Dioseʼ tu yaʼalaj ‹yaan u tsʼáaik ojéeltbil nukuch baʼaloʼob maʼ chéen chʼaʼabil u naʼataʼaliʼ›. ¿Baʼax le baʼaloʼob ken u tsʼáa ojéeltbiloʼ? ¿Teʼ kʼiinoʼobaʼ yaan wa baʼax ku tsʼáaik k-ojéelte?
Mateo 6:33 | «Yáax táanileʼ kaxteʼex u [Reino] Jajal Dios»
¿Táan wa kaʼach u yaʼalik Jesús máaxoʼob meyajtik Dioseʼ maʼ kʼaʼabéet u meyajoʼobiʼ?
Mateo 6:34 | «Maʼ a sen chiʼichnaktaleʼex yoʼolal u kʼiinil sáamal»
Jesúseʼ maʼ tu yóotaj u yaʼal wa jach junpuliʼ maʼ unaj k-tuklik baʼax ken k-beet sáamaliʼ.
Mateo 11:28-30 | «Taalakeʼex tin wiknal, teen ken in beet a jeʼelsikabaʼex»
¿Táan wa kaʼach u yaʼalik Jesúseʼ yaan u séeb xuʼulul u sufrir máak?
Marcos 1:15 | «U Reino Dioseʼ tsʼoʼok u náatsʼal»
¿Tu yóotaj wa u yaʼal Jesús tsʼoʼok u káajal u gobernar u Reino Dios?
Marcos 11:24 I «Tuláakal baʼax ka kʼáatkeʼex ich oracióneʼ creerteʼex yaan u tsʼaʼabalteʼex»
Le baʼaxoʼob tu yaʼalaj Jesús yoʼolal le fe yéetel le oraciónoʼ, ¿bix jeʼel u yáantkoʼon k-aktáant le problemaʼob ku yantaltoʼon bejlaʼoʼ?
Lucas 1:37 | «Mix baʼal talam tiʼ Yuum Jajal Dios»
Le Dios jach táaj yaan u poderoʼ mix baʼal jeʼel u kʼatkuba tu beel utiaʼal maʼ u cumplirtik le baʼaxoʼob ku yaʼalikoʼ. ¿Baʼax ka tuklik yoʼolal leloʼ?
Lucas 2:14 Tekstoʼob ku maas tsoʼolol | «Yanak jeetsʼelil tiʼ le máaxoʼob ku lúubloʼob utsil tiʼ Diosoʼ»
¿Baʼax u kʼáat u yaʼal le tʼaanoʼob teʼ kʼiinoʼobaʼ?
Juan 14:27 | «Teneʼ yaan u seguer in tsʼáaikteʼex jeetsʼelil»
¿Baʼax kun áantik kaʼach u discípuloʼob Jesús le kéen yanaktiʼob problemas? ¿Bix u yáantkoʼon le jeetsʼelil ku tsʼáaik Jesúsoʼ?
Juan 15:13 | «Mix máak máan tipʼaʼan u yaabilaj»
U discípuloʼob Jesúseʼ, ¿bix jeʼel u yeʼeskoʼob yaabilajeʼ?
Hechos 1:8 | «Bin a kʼameʼex páajtalil»
¿Baʼax promesail tu beetaj Jesús tiʼ u discípuloʼob? ¿Baʼaxoʼob páajchaj u beetkoʼob ka tu kʼamoʼob?
Romanos 6:23 | «Le boʼol ku tsʼáaik le kʼebanoʼ letiʼe kíimiloʼ, chéen baʼaleʼ le siibal ku tsʼáaik Diosoʼ kuxtal minaʼan u xuul»
Mix máak náajaltik le salvaciónoʼ, pero Dioseʼ ku síiktoʼon kuxtal minaʼan u xuul, ¿bix jeʼel k-kʼamkeʼ?
Romanos 10:13 | «Tuláakal le máax chʼaʼchiʼitik u kʼaabaʼ Yuumtsileʼ»
Dioseʼ ku tsʼáaik u oportunidadil tiʼ tuláakal máak utiaʼal ka u salvartuba bey xan ka kuxlakoʼob minaʼan u xuul.
Romanos 12:12 | «Kiʼimakchajak a wóoleʼex tu yoʼolal le esperanza yaanteʼexoʼ. Chúukpajak a wóoleʼex ken a máanseʼex muʼyajiloʼob. Maʼ u xuʼulul a orareʼex»
¿Baʼax jeʼel u yáantik le máaxoʼob meyajtik Dios utiaʼal ka chúukpajak u yóoloʼob le kéen chʼaʼpachtaʼakoʼob bey xan le kéen u aktáantoʼob uláakʼ problemaʼobeʼ?
Romanos 15:13 | «Le Dios áantkoʼon k-páaʼt le baʼax ku taal u kʼiinoʼ ka u beet u sen kiʼimaktal a wóoleʼex yéetel ka u beet u jach yantalteʼex jeetsʼelil»
¿Baʼax yaan u yil le kiʼimak óolal, le jeetsʼelil bey xan le esperanza yéetel le espíritu santooʼ?
1 Corintios 10:13 | «Dioseʼ ku béeykuntik baʼax ku yaʼalik»
Le kéen k-aktáant junpʼéel pruebaeʼ, ¿bix u líiʼsik k-óol k-ojéeltik Jéeobaeʼ maʼ kéen u pʼatoʼon?
2 Corintios 12:9 | «Chéen in siibal utsil kʼaʼabéet tiʼ teech»
¿Bix úuchik u yeʼesaʼal nojoch utsil tiʼ apóstol Pablo tumen Dios? ¿Bix jeʼel xan u yeʼesiktoʼon u yutsil Dioseʼ?
Gálatas 6:9 | «Maʼ u xuʼulul k-beetik baʼax maʼalob»
¿Baʼax utsil ken u kʼam le máaxoʼob beetik baʼax maʼaloboʼ?
Efesios 3:20 | «[Dioseʼ] yaan páajtalil tiʼ utiaʼal u beetik u maas yaʼabil tiʼ le baʼax k-kʼáatikoʼ wa k-tuklikoʼ»
¿Bix u núukik Dios u oración le máaxoʼob meyajtikoʼ? ¿Bix u tsʼáaik xan tiʼob le baʼaxoʼob kʼaʼabéettiʼoboʼ?
Filipenses 4:6, 7 | «Maʼ a sen chiʼichnaktaleʼex tu yoʼolal mix baʼal»
¿Baʼax claseil oraciónoʼob jeʼel u yáantkoʼon utiaʼal ka yanaktoʼon jeetsʼelil yéetel maʼ k-sen chiʼichnaktaleʼ?
Filipenses 4:8 | «Seguernak a tuukuleʼex tiʼ jeʼel baʼalak jaajtakeʼ»
Juntúul máax meyajtik Dioseʼ, ¿tiʼ baʼaxoʼob unaj u tuukul sáamsamal?
Colosenses 3:23 | «Jeʼel baʼalak táan a beetkeʼexeʼ, beeteʼex yéetel u jaajil a wóoleʼex»
Juntúul máax meyajtik Dioseʼ ku yilik u beetik maʼalob u meyaj yéetel ku tsʼáaik u yóol u beete tumen u yojel leloʼ junpʼéel forma bix u tsʼáaik adoración tiʼ Dios.
2 Timoteo 1:7 | «Le espíritu santo tu tsʼáajtoʼon Diosoʼ maʼ utiaʼal k-chʼaʼik saajkiliʼ»
¿Bix u yáantkoʼon Dios utiaʼal u xuʼulul k-sajaktal yéetel k-beetik baʼax maʼalob?
Hebreos 4:12 | «U tʼaan Dioseʼ kuxaʼan yéetel yaan u páajtalil»
¿Ka weʼesik wa ichil a kuxtal táan a chaʼik u nuʼuktikech le páajtalil yaan tiʼ u tʼaan Diosoʼ?
1 Pedro 5:6, 7 | «Tsʼáabaʼex yáanal u páajtalil u kʼab Dios, [...] pʼateʼex tu kʼab Dios tuláakal le kuuch chiʼichnakkúuntikeʼexoʼ»
¿Bix jeʼel k-pʼatik k-kuuch tu kʼab Dioseʼ yéetel baʼax utsil jeʼel k-kʼamik wa k-beetik beyoʼ?
Apocalipsis 21:1 | «Junpʼéel túumben kaʼan yéetel junpʼéel túumben luʼum»
¿Yaan wa uláakʼ tekstoʼob eʼesik baʼax u kʼáat u yaʼal le versículoaʼ?
Apocalipsis 21:4 | «Dios kun choʼik tuláakal u jaʼil u yichoʼob»
Le tekstoaʼ ku tʼaan tiʼ junpʼéel jatsʼuts promesa ken u beet Dios.