U DIECISÉIS KʼÁATCHIʼ
¿Baʼax unaj u beetik máak wa yaan baʼax chiʼichnakkúuntik?
«Pʼat a kuuch tiʼ Jéeoba, letiʼ túuneʼ yaan u yáantkech. Letiʼeʼ mix bikʼin ken u chaʼa u lúubul le máax utsoʼ».
«Le baʼax ku chʼaʼtuklik le máax sáakʼóoloʼ ku jóokʼol maʼalobil, pero tuláakal le máaxoʼob chéen ku jáajan beetkoʼob wa baʼaxoʼ seguro yaan u yóotsiltaloʼob».
«Teneʼ tiaʼanen ta wéeteleʼ, maʼ a chʼaʼik saajkil. Teen a Dios, maʼ u péek a wóol. Teen kin tsʼáaik a muukʼ, teen kin áantkech, teneʼ jach tu jaajil yaan in machkech yéetel in x-noʼoj kʼab, yéetel le in kʼab ku beetik justiciaoʼ».
«¿Máax tiʼ teʼex jeʼel u chowakkíintik junpʼíit maas u kuxtal ikil u sen chiʼichnaktaleʼ?».
«Le beetkeʼ junpuliʼ maʼ a sen chiʼichnaktaleʼex yoʼolal u kʼiinil sáamal, tumen sáamaleʼ yaan xan u yantal baʼaloʼob jeʼel u beetik a chiʼichnaktaleʼexeʼ. Cada kʼiineʼ yaan yéetel le bukaʼaj chiʼichnakiloʼob ku taaskoʼ».
«Jach [ileʼex] máakalmáak le baʼaloʼob maas kʼaʼanaʼantakoʼ».
«Maʼ a sen chiʼichnaktaleʼex tu yoʼolal mix baʼal, baʼaxeʼ aʼaleʼex tiʼ Dios ich oración tuláakal baʼax a kʼáateʼex. Kʼáat óolneneʼex tiʼ letiʼ yéetel tsʼáaʼex gracias tiʼ, beeteʼex yéetel tuláakal a puksiʼikʼaleʼex. Bey túunoʼ le jeetsʼelil maʼ tu páajtal u naʼataʼal tumen wíinik ku tsʼáaik Diosoʼ, yaan u kanáantik a puksiʼikʼaleʼex yéetel a tuukuleʼex tu yoʼolal Cristo Jesús».
