KʼAAY 3
Maʼ saajkeniʼ tumen Jéeoba in muukʼ
-
1. Jéeoba Dios, tiʼ teech in machminba
tumen ka tsʼáaikten muukʼ.
Le jatsʼuts baʼax táan in páaʼtkoʼ
ku kiʼimakkúunskin wóol.
Kex beyoʼ le baʼax kin muʼyajtkoʼ
ku sen beetik in wokʼol
yéetel jach ku beetkin tuʼubsik
le baʼax a waʼalmajoʼ.
(CORO)
Kéen in wuʼuy naʼan in muukʼ
yéetel saajkeneʼ
kin kʼaʼajsik jach maʼ ta pʼatken.
Chéen teech áantken utiaʼal
in bisik a Tʼaan.
Yaan in kʼubkin wóol chéen tiʼ teech.
-
2. Jach ta tsʼáaj u biilal in kuxtal
tumen a yaabiltmen.
Maʼ tu béeytal in jáan tuʼubsik
jach bix ta wáantilen.
Teneʼ yaan in kʼaʼajsik xan leloʼ
tumen kiáantken, Jéeoba Dios.
Jach ku péeksik in puksiʼikʼal
tiaʼal in bisik a Tʼaan.
(CORO)
Kéen in wuʼuy naʼan in muukʼ
yéetel saajkeneʼ
kin kʼaʼajsik jach maʼ ta pʼatken.
Chéen teech áantken utiaʼal
in bisik a Tʼaan.
Yaan in kʼubkin wóol chéen tiʼ teech.
(Ilaʼak xan Sal. 72:13, 14; Pro. 3:5, 6, 26; Jer. 17:7.)
