KʼAAY 30
In Dios, in Taata, in Amigo
-
1. U kuxtal máakeʼ jach yaj.
Tsʼoʼok in wilik ichil in kuxtal.
Baʼaleʼ kin wuʼuyik mantatsʼ
u yaabilaj Jéeoba.
(CORO)
Jéeobaeʼ maʼatech u tuʼubsik
le chúukaʼan óolal tin weʼesajoʼ.
Letiʼeʼ jach uts tin wéetel,
mantatsʼ kieʼesik u yaabiltmen.
In amigo Jéeoba Dios.
Letiʼeʼ in taata, ku líiʼskin wóol.
Jach ku yáantken, ku kanáantken.
Letiʼeʼ in Dios.
-
2. Teʼ kʼiinaʼ táan in muʼyaj
tumen jach yaj bix u chʼíijil máak,
baʼaleʼ mu tuʼubul tiʼ teen
baʼax ken u beet Jéeoba.
(CORO)
Jéeobaeʼ maʼatech u tuʼubsik
le chúukaʼan óolal tin weʼesajoʼ.
Letiʼeʼ jach uts tin wéetel,
mantatsʼ kieʼesik u yaabiltmen.
In amigo Jéeoba Dios.
Letiʼeʼ in taata, ku líiʼskin wóol.
Jach ku yáantken, ku kanáantken.
Letiʼeʼ in Dios.
(Ilaʼak xan Sal. 71:17, 18.)