1. Bejlaʼeʼ táan k-meyajtik Jéeoba Dios

tu tséel k-sukuʼunoʼob k-yaabiltmoʼob.

Kex táaj kʼasaʼan le yóokʼol kaabaʼ

toʼoneʼ táan k-eʼesik yaabilaj.

Minaʼan uláakʼ tuʼux jeʼel u yeʼesaʼal

le yaabilaj táan k-uʼuyikoʼ.

U kaajal Dioseʼ jach ku yáantkoʼon,

tumen mantatsʼ ku líiʼsik k-óol.

2. Kʼaʼabéet k-kanáantik baʼaxoʼob k-aʼalik

utiaʼal maʼ k-lúuʼsik yóol mix máak.

Le maʼalob tʼaanoʼoboʼ ku yáantaj

tiaʼal k-líiʼsik yóol mantatsʼ wa máax.

Mu xuʼulul k-áantik xan tuláakal

le máaxoʼob naʼan u muukʼoʼoboʼ.

Beyoʼ yaan k-meyajtik Jéeoba Dios

tu múuchʼulil ich jeetsʼel óol.

3. Le fe táan k-eʼesikoʼ ku yáantkoʼon

utiaʼal mu tuʼubultoʼon lelaʼ:

le xuʼulsajoʼ jach táan u náatsʼal,

le oʼolal koʼoneʼex muchʼikba.

Kʼaʼabéettoʼon le muchʼtáambaloʼoboʼ

tumen ku muʼukʼaʼankúunskoʼob k-óol.

Kʼaʼabéet k-múul áantikba tuláakloʼon

ichil u kaajal Jéeoba Dios.