Yaʼab tiʼ toʼoneʼ tsʼoʼok k-ilik bix u beetaʼal u muʼyaj le máaxoʼob utsoʼoboʼ. ¿Yaan wa ta tʼaan u kʼuchul u kʼiinil u xuʼulsaʼal tiʼ le máaxoʼob kʼasaʼanoʼoboʼ?

Le Salmo 37, ku yaʼalik wa yaan u xuʼulsaʼaloʼob yéetel baʼax unaj k-beetik. Ilawil xan bix u núukik le baʼaloʼobaʼ:

• ¿Baʼax unaj k-beetik wa ku beetaʼaltoʼon wa baʼax? (Versículo 1 yéetel 2).

• ¿Baʼax kun úuchul tiʼ le máaxoʼob kʼasaʼanoʼoboʼ? (Versículo 10).

• ¿Baʼax kun úuchul yéetel le máaxoʼob utsoʼoboʼ? (Versículo 11 yéetel 29).

• ¿Baʼax unaj k-beetik bejlaʼeʼ? (Versículo 34).

Le Salmo 37, ku yaʼalikeʼ le máax ‹ku kʼubik u yóol tiʼ Yuumtsil yéetel ku yuʼubik u tʼaaneʼ› yaan u yantal junpʼéel jatsʼuts kuxtal tiʼ. U testigoʼob Jéeobaeʼ yéetel kiʼimak óol jeʼel u yáantkechoʼob kaanbal tiʼ le Bibliaoʼ yéetel u yáantkechoʼob a wil baʼax jeʼel a beetik junmúuchʼ yéetel a familia utiaʼal ka yanakteʼex le jatsʼuts kuxtalaʼ.