TIʼ U YÁAX TÁAN JUʼUNIL | U JAAJIL YOʼOLAL U J-JAAJKUNAJOʼOB JÉEOBA
¿Baʼax ku creertik u j-jaajkunajoʼob Jéeoba?
U j-jaajkunajoʼob Jéeobaeʼ u yojloʼob «Dios tsʼáa tu tuukul máak utiaʼal ka tsʼíibtaʼak» le Bibliaoʼ, le oʼolal jach ku taasik utsil (2 Timoteo 3:16). Teʼ Bibliaoʼ k-kaanbal tiʼ Dios yéetel k-kanik bix jeʼel u yantaltoʼon kiʼimak óolaleʼ.
Teʼeloʼ Dioseʼ ku yaʼalik: «Teen Yahveh, lelaʼ letiʼ in kaabaʼ, maʼ bíin in chaʼa u tsʼaʼabal in nojbeʼenil tiʼ u yaanaliʼ» (Isaías 42:8). * Le oʼolal toʼoneʼ chéen Jéeoba, wa Yahveh, k-adorartik. Tsʼoʼoleʼ ku yaʼalaʼal j-jaajkunajoʼon, wa testigos, tumen k-tsʼáaik ojéeltbil u kʼaabaʼ Jéeoba (Isaías 43:10-12).
Como cristianoʼoneʼ toʼoneʼ k-creertik taal Jesús, «u Paal Dios», * way Luʼumeʼ yéetel letiʼe Mesíasoʼ (Juan 1:34, 41; 4:25, 26). Ka kíimeʼ kaʼa kuxkíintaʼabi ka suunaj teʼ kaʼanoʼ (1 Corintoiloʼob 15:3, 4). Tsʼoʼoleʼ beetaʼab Reyil tiʼ u Reino Dios; leloʼ junpʼéel gobierno ken u sut Paraísoil le Luʼumaʼ (Apocalipsis 11:15; Daniel 2:44). Teʼ kʼiinoʼoboʼ «le kabal óoloʼoboʼ bin u tiaʼalintoʼob le Luʼumoʼ, bíin kuxlakoʼob ichil nojoch jeetsʼel óolal» (Salmo 37:11, 29).
«Ken u xokoʼob le Bibliaoʼ ku yuʼubikoʼob bey táan u tʼaʼanloʼob tumen Dioseʼ. Ken yanak problema tiʼobeʼ ku kaxtikoʼob áantaj teʼ Bibliaoʼ. [...] Utiaʼal letiʼobeʼ u Tʼaan Dioseʼ kuxaʼan.» (Sacerdote católico Benjamin Cherayath, jeʼex jóokʼik teʼ periódico Münsterländische Volkszeitung, Alemania)
K-creertik xaneʼ le baʼaxoʼob ku yaʼalik le Bibliaoʼ jeʼel u yáantik le máakoʼob bejlaʼoʼ (Isaías 48:17, 18). Le oʼolal k-ilik k-kuxtal jeʼex u yaʼalik le Bibliaoʼ. Por ejemploeʼ le Bibliaoʼ ku yaʼalikeʼ maʼ unaj k-éekʼkuntik k-wíinklil mix k-tuukuliʼ, le oʼolal maʼ t-tsʼuʼutsʼik chamal mix k-drogartikba (2 Corintoiloʼob 7:1). Maʼ t-beetik xan baʼaloʼob ku yaʼalik le Biblia kʼaastakoʼ, jeʼex le káaltaloʼ, le núupkʼebanoʼ yéetel le ookoloʼ (1 Corintoiloʼob 6:9-11).
^ xóot’ol 4 Ichil yaʼab bibliaʼobeʼ maʼatech u chíikpajal u kʼaabaʼ Diosiʼ. Utiaʼal a wojéeltik baʼaxten ku luʼsaʼaleʼ ilawil le táan juʼun 195 tiʼ le libro ¿Baʼax jach tu jaajil ku kaʼansik le Bibliaoʼ?, beetaʼan tumen u j-jaajkunajoʼob Jéeoba yéetel tiaʼan Internet teʼ www.ps8318.com/yua.
^ xóot’ol 5 Le Bibliaoʼ ku yaʼalik xaneʼ Jesuseʼ «u juntúuliliʼ Paal Dios», tumen letiʼ yáax beetaʼab tumen Jéeoba yéetel maʼ anchaj uláakʼ máax beetaʼab chéen tumen Jéeobaiʼ (Juan 3:18; Colosasiloʼob 1:13-15).
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Baʼax ku creertik u testigoʼob Jéeoba?
Ojéelt 15 u pʼéelal baʼaloʼob ku creertik u testigoʼob Jéeoba.
KʼÁATCHIʼOB SUUK U BEETAʼAL
U testigoʼob Jéeobaeʼ, ¿ku creerkoʼob wa chéen letiʼob u jaajil religión?
¿Tu kaʼansaj wa Jesús tuláakal religión bisik máak tiʼ salvación?
BAʼALOʼOB UNAJ A KANIK
¿Yaan wa u kʼaabaʼ Dios?
Tiʼ Dioseʼ ku yaʼalaʼal Kiʼichkelem Yuum, Jajal Dios wa Yuumtsil. Pero le videoaʼ ku yeʼesik bix u kʼaabaʼ Dios; 7,000 u téenel ku chíikpajal teʼ Bibliaoʼ.
