DISÁ 19
O Kwila o Jimbangi ja Jihova Jikidistá Jakidi?
Etu tu Jimbangi ja Jihova, tuxikina kwila tu Jikidistá jakidi. Mukonda dyahi? Kwebhi kutunda o milongi ituxikina? Mukonda dyahi twadiluku o dijina dya Jimbangi ja Jihova? Kyebhi kitulondekesa kwila twadizolo mu dyetu?
1. Kwebhi kutunda o milongi ixikina o Jimbangi ja Jihova?
Jezú wambe: ‘O Mak’â Nzambi ene o kidi.’ (Nzwá 17:17) Kala Jezú, o milongi ixikina o Jimbangi ja Jihova itunda mu Mak’â Nzambi. Tala o musoso wa Jimbangi ja Jihova a exanene adilongi a Bibidya ku dimatekenu. Nange kumuvu wa 1870, o kibuka kiki, kya adilongi a Bibidya, amateka kudilonga ni kutokwesa o Bibidya. Ene amesenene kwijiya ihi ilonga o Bibidya. Mu kusanga milongi ya Bibidya yexile mu tendela kyambote, exile mu ixikina, né mwene se ki idifwile ni milongi ya jingeleja. Mu kiki, amateka kulonga o kidi kiki ku athu. a
2. Mukonda dyahi twadiluku o dijina dya Jimbangi ja Jihova?
O athu ene mu mubheza, Jihova wa exana Jimbangi mukonda ene mu zwela o kidi kya lungu ni mwene. (Jihebelewu 11:4–12:1) Mu kifika, mu ukulu Nzambi wambela o mundu wê: “Enu-wenu mu jimbangi jami.” (Tanga Izaya 43:10.) Jezú amwixana ‘Mbangi ya Fiyele.’ (Dijingunwinu 1:5) Ku muvu wa 1931, twadiluku o dijina Jimbangi ja Jihova. Tusanguluka kyavulu mu kutwixana kiki.
3. Kyebhi o Jimbangi ja Jihova kya kayela o phangu ya Jezú ya kulondekesa o henda?
Jezú wazolele kyavulu o maxibulu mê, ene exile kala jindandu jê. (Tanga Máluku 3:35.) Kyene kimoxi ni Jimbangi ja Jihova, ene adizolo kala mwiji umoxi ngó kumundu woso. Kiki kyene kitubhangesa kudixana jiphange. (Filimone 1, 2) Tubelesela we o kitumu kiki: “Dizodiyenu ni jiphange jenu mu kuxikana.” (1 Phetele 2:17) O Jimbangi ja Jihova kyene kya bhanga. Ene azolo o jiphange jâ kumundu woso, benge benge kyoso kya bhindama.
DILONGE DINGI
Dilonge dingi o musoso wa Jimbangi ja Jihova, tala we ima ilondekesa ni kidi kyoso kwila ene Jikidistá jakidi.
O ima ixikina o Jikidistá jakidi, itunda mu Bibidya, alonga akwa o ima ya dilonga
4. O milongi ituxikina itunda mu Bibidya
Jihova wakanena kwila, o kwijiya kwetu kwa lungu ni Bibidya kwejiya ni kudibandekesa. Tanga Daniyele 12:4, mukusuluka bhanga o kibhwidisu kya kayela:
-
Kyoso o mundu wa Nzambi kyejiya ni kutokwesa ni kudilonga o Bibidya, ihi yeji “dibandekesa”?
Ejiya kyebhi o kibuka kya adilongi a Bibidya, muthu umoxi amwixanene Charles Russell, kyexile mudilonga o Mak’â Nzambi. Tala OVIDYU, mukusuluka bhanga o kibhwidisu kya kayela.
-
Mu vidyu, kyebhi Charles Russell ni akwa kyexile mu dilonga o Bibidya?
Eye wakijidile?
Sayi ithangana twene mu lungulula o ukexilu wetu wakutendela o Bibidya. Mukonda dyahi? Mukonda Nzambi ujimbulula o milongi yala mu Mak’â mê bhofele bhofele. (Tanga Jisabhu 4:18.) O Bibidya ki ilunguluka, maji kyoso ki tu itendela mu ukexilu wabeta dingi kota, tulungulula o ima itulonga.
5. Jimbangi ja Jihova: o wendelu wetu walungu ni dijina ditwambata
Mukonda dyahi twasolo o dijina Jimbangi ja Jihova? Tala OVIDYU, mukusuluka bhanga o kibhwidisu kya kayela.
-
Mukonda dyahi o dijina Jimbangi ja Jihova dyene mwene dya tokala?
Mukonda dyahi Jihova wasolo athu phala kukala Jimbangi jê? Mukonda ene aboka o kidi kya lungu ni Jihova, o Nzambi ya kidi, sumbala ni makutu ene mu mwanga o athu alungu ni mwene. Tumone makutu ayadi alungu ni maka yá.
Sayi jingeleja alongamu kwila Nzambi wamesena o athu amubheza ni iteka. O kwila kiki kidi? Tanga Ijila 26:1, mukusuluka bhanga o ibhwidisu ya kayela:
-
O kwila Nzambi wamesena mwene kwila, tumubheza ni iteka? Kyebhi Jihova kya divwa ya lungu ni iteka?
Sayi atwameni a jingeleja alonga kwila, Jezú mwene o Nzambi. O kwila kiki kidi? Tanga Nzwá 20:17, mukusuluka bhanga o ibhwidisu ya kayela:
-
O kwila Jezú mwene o Nzambi? O kwila Jezú ni Nzambi muthu umoxi ngó?
-
Nzambi wasolo athu phala kutanga o kidi kya lungu ni mwene ni Mon’ê. Kyebhi ki udivwa mu kwijiya o kidi kiki?
6. Twadizolo mu dyetu
O Bibidya isokesa o Jikidistá ni idyandu ya mukutu wamuthu. Tanga 1 Kolindu 12:25, 26, mukusuluka bhanga o ibhwidisu ya kayela:
-
Ihi ya tokala kubhanga o Jikidistá ja kidi kyoso Jikidistá jamukwa kya tala hadi?
-
Ihi iwene mu mona ya lungu ni henda yene mu dilondekesa o Jimbangi ja Jihova?
Kyoso Jimbangi ja Jihova ku ixi imoxi kya bhindamena kikwatekesu, o jiphange jâ kumundu woso akwatekesa. Phala kumona phangu imoxi, tala OVIDYU. Mukusuluka bhanga o kibhwidisu kya kayela.
-
Twamono kwila kyoso kikumoneka kibhindamu, o Jimbangi ja Jihova kumundu woso akwatekesa. Kiki kilondekesa kyebhi o henda yala nayu mudyâ?
O Jikidistá jakidi alondekesa henda kwa yó abhindamena kikwatekesu
ATHU AVULU AMBA: “Enu nuka mwamwene Jihova, kyebhi ki mwadiluku o dijina dya Jimbangi ja Jihova.”
-
Thembu kuxi kya mateka Jihova kwixana o jiselevende jê jimbangi?
IHI IWADILONGO
O Jimbangi ja Jihova Jikidistá jakidi. Tumwiji umoxi wajiselevende ja Nzambi kumundu woso. O milongi ituxikina itunda mu Bibidya. Tulonga akwetu o kidi kya lungu ni Jihova
Kubhitulula
-
Mukonda dyahi twadiluku o dijina dya Jimbangi ja Jihova?
-
Kyebhi kitulondekesa kwila twadizolo mudyetu?
-
Mudyé, o kwila o Jimbangi ja Jihova Jikidistá jakidi?
TOKWESA DINGI
Tokwesa dingi ya lungu ni musoso wetu.
Tala musoso umoxi ulondekesa kyebhi o Jimbangi ja Jihova kexile ni woma wakutungununa o milongi ya makutu.
Tala o ibhwidisu yene mu dibhanga dingi o athu ya lungu ni Jimbangi ja Jihova.
“Ibhuidisu Iene mu Bhanga Dingi o Athu ia Lungu ni Jimbangi ja Jihova” (Milongi ya jw.org)
Stephen wazembele kyavulu o athu akikonda kyengi, wexile musota kwa abhanga kya yibha. Tala kyebhi mwene kya lunguluka kyoso kyeza mu kwijiya o Jimbangi ja Jihova.
“O Ukexilu Uami ua Iibha ua Kexile mu Dibandekesa” (O Mulangidi, 1 wa Kavwa wa 2015)
a Tundé ku muvu wa 1879, o mundu wa Nzambi wene mu bhanga ni kulungulula O Mulangidi ujimbulula o kidi kya Bibidya.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
