DISÁ 48
Sola Kyambote o Makamba mé
Kima kyambote kukala ni makamba phala kubhita nawu ithangana ya kusanguluka ni kutukwatekesa mu ithangana ya bhonzo. Maji o Bibidya itudimuna mu kwamba kwila, ko athu oso akituka makamba ambote. Kyenyiki, kyebhi ki utena kusola makamba ambote? Xinganeka mu ibhwidisu ya kayela.
1. Kyebhi o makamba kyatena kukufunyisa?
Kyoso kitubhita dingi ithangana yavulu ni muthu, kikale mu jirede sosyale mba pholo ni pholo, tudifwangana mu ukexilu kala mwene. Kiki kitena kukala kima kyambote mba kima kyayibha. O Bibidya yamba, “woso wenda ni jinjimu, u biluka njimu; woso-phe u kala kamba dya ku kayela o yowa, kanange kukituka kala ene.” (Jisabhu 13:20) O makamba azolo Jihova anga amusidivila, atena kukukwatekesa kuzukuma kwa mwene ni kusola kyambote o ima ku mwenyu wê. Maji kukala ni makamba kazolo Jihova, atena kukusandula kwa mwene. Mukonda dyakiki , o Bibidya ituswinisa kusola kyambote o makamba metu! Se o makamba metu athu azolo Nzambi, kiki kyandakala kima kyambote phala etu, ene we andakatula mbote. Kyenyiki twandatena ‘ku dikolokotesa ni kudiswinisa mudyetu.’—1 Tesalonika 5:11.
2. O makamba u usola atena kubhangesa Jihova kudivwa kyebhi?
Jihova usola kyambote o makamba mê. Mwene o “kikutu kyê u ki jitwina athu oso ayuka muxima.” (Jisabhu 3:32) Kyebhi Jihova kyeji divwa se tusola makamba kazolo mwene? Mwene weji luwala kyavulu! (Tanga Tiyaku 4:4.) Maji se tudituna kubhanga ukamba ni athu ayibha anga tusola makamba azolo Jihova, mwene wandasanguluka, wandatusola kala tumakamba mê.—Jisálamu 15:1-4.
DILONGE DINGI
Dilonge se mukonda dyahi twatokala kusola kyambote o makamba. Tala we kyebhi ki utena kukala ni makamba atena kukukwatekesa.
3. Kana kudilunga ni athu ayibha
O athu kazolo Nzambi anga kabelesela o itumu yê kimakamba ambote. Tala OVIDYU, mukusuluka bhanga o kibhwidisu kya kayela.
-
Kyebhi kitutena kukala ni makamba ayibha se kukimesena?
Tanga 1 Kolindu 15:33, mukusuluka bhanga o kibhwidisu kya kayela:
-
Muthu wakidifwa kyahi wejikala dikamba dyayibha phala eye? Mukonda dyahi?
Tanga Jisálamu 119:63, mukusuluka bhanga o kibhwidisu kya kayela:
-
Ihi iwatokala kusota kudikamba?
Kibundu kimoxi kyabolo, kitena kubolesa o ibundu yamukwa. Kyebhi o kudilunga ni athu ayibha kutena kukufunyisa?
4. O makamba metu kabhingi kudifwangana netu
O Bibidya izwela ya lungu ni mayala ayadi ku kifuxi kya Izalayele yokulu a exana Davidi ni Jonata. Jonata wexile mon’â sobha, wexile mwadyakime a Davidi. Maji né kiki ene exile ni ukamba wambote. Tanga 1 Samuwele 18:1, mukusuluka bhanga o kibhwidisu kya kayela:
-
Mukonda dyahi o makamba metu kabhingi kukala ni kitala kimoxi netu mba kukala ni ima itwala nayu we etu?
Tanga Loma 1:11, 12, mukusuluka bhanga o kibhwidisu kya kayela:
-
Kyebhi o makamba a zolo Jihova kyatena kudiswinisa mudyâ?
Mu vidyu, tala kyebhi o munzangala kyatena kubhanga makamba mu kididi kakifikile. Tala OVIDYU, mukusuluka bhanga o ibhwidisu ya kayela.
-
Mu vidyu, mukonda dyahi o jitata ja manu Akili azwela ne mukonda dya makamba abhange mu xikola?
-
Mukonda dyahi manu Akili wabhange makamba ni minzangala yóyo?
-
Kyebhi mwene kyatolola o ukexilu wakudivwa ubheka?
5. Kyebhi kitutena kukala ni makamba ambote?
Tala kyebhi ki utena kukala ni makamba akidi. Tala we kyebhi ki utena kukala udikamba dyambote. Tala OVIDYU.
Tanga Jisabhu 18:24 ni 27:17, mukusuluka bhanga o ibhwidisu ya kayela:
-
Kyebhi o makamba akidi kya dikwatekesa mudyâ?
-
Eye wala ni makamba adifu kiki? Se kana, ihi i utena kubhanga phala kukala ni makamba akidi?
Tanga Filipe 2:4, mukusuluka bhanga o kibhwidisu kya kayela:
-
Phala kukala ni makamba akidi, eye wabhingi kukala udikamba dya kidi. Kyebhi ki utena kubhanga kiki?
Phala kukala ni makamba ambote, eye watokala ukala dikamba dyambote
ATHU AVULU AMBA: “Kabasa muthu, o kyabeta kota o kukala ni makamba.”
-
Ihi iweji zwela?
IHI IWADILONGO
Kyoso kitusola makamba ambote, tukatula mbote, Jihova usanguluka.
Kubhitulula
-
Mukonda dyahi Jihova ubhana valolo ku makamba utusola?
-
Makamba ebhi utwatokala kudituna kudilunga nawu?
-
Kyebhi ki utena kukolesa o ukamba wé ni athu azolo Jihova?
TOKWESA DINGI
Tala kyebhi o makamba akidi atena kutukwatekesa mu ithangana yabhonzo.
“Kolesa o Mawukamba-mê, Mukonda o Dizubhilu Dya Zukama” (O Mulangidi, wa Kamoxi wa 2019)
Tala o jindunge jitena kukukwatekesa kubhanga makamba ambote.
Ihi iwatokala kwijiya ya lungu ni kubhanga makamba mu internete?
Aluka: Londekesa Unjimu mu Kusola Makamba mu Internete (4:12)
Phala kwijiya ihi ya bhangesa diyala kukala ni makamba engi, tanga o milongi mu musoso “Eme Ngabhindamene Tata”.
“O Bibidya Ilungulula o Myenyu ya Athu” (O Mulangidi, 1 wa Kasamanu wa 2012)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
