ബൈബിൾത​ത്ത്വം: ‘ഒരുവനു മറ്റൊ​രു​വ​നെ​തി​രെ പരാതി​ക്കു കാരണ​മു​ണ്ടാ​യാൽത്തന്നെ ഉദാര​മാ​യി ക്ഷമിക്കു​വിൻ. യഹോവ നിങ്ങ​ളോട്‌ ഉദാര​മാ​യി ക്ഷമിച്ച​തു​പോ​ലെ നിങ്ങളും ക്ഷമിക്കു​വിൻ.’—കൊ​ലോ​സ്യർ 3:13.

എന്താണ്‌ ഇതിന്‍റെ അർഥം? ബൈബി​ളിൽ, പാപത്തെ ഒരു വായ്‌പ്പ​യോ​ടും അത്‌ ക്ഷമിക്കു​ന്ന​തി​നെ ആ വായ്‌പ്പ എഴുതി​ത്ത​ള്ളു​ന്ന​തി​നോ​ടും താരത​മ്യ​പ്പെ​ടു​ത്തു​ന്നു. (ലൂക്കോസ്‌ 11:4) തിരു​വെ​ഴു​ത്തു​ക​ളിൽ “ക്ഷമിക്കുക” എന്ന് പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തെ​ക്കു​റിച്ച് ഒരു പരാമർശ​ഗ്രന്ഥം പറയു​ന്നത്‌, “ഒരു കടം തിരി​കെ​ത്ത​രാൻ ആവശ്യ​പ്പെ​ടാ​തെ അത്‌ വേണ്ടെ​ന്നു​വെ​ക്കുക” എന്നാണ്‌. അങ്ങനെ, നമ്മെ വേദനി​പ്പിച്ച ഒരു വ്യക്തി​യിൽനിന്ന് തിരി​ച്ചൊ​ന്നും പ്രതീ​ക്ഷി​ക്കാ​തെ നമ്മൾ അയാ​ളോട്‌ ക്ഷമിക്കു​ക​യാണ്‌ ചെയ്യു​ന്നത്‌. ക്ഷമിക്കാ​നുള്ള നമ്മുടെ മനസ്സൊ​രു​ക്കം ആ തെറ്റായ പ്രവൃ​ത്തി​യെ നമ്മൾ അംഗീ​ക​രി​ക്കു​ന്നെ​ന്നോ അതുണ്ടാ​ക്കിയ വേദന ചെറു​താ​ണെ​ന്നോ അർഥമാ​ക്കു​ന്നില്ല. പകരം, ന്യായ​മാ​യി “പരാതി​ക്കു കാരണ​മു​ണ്ടാ​യാൽത്തന്നെ” നീരസം ഒഴിവാ​ക്കാൻ നമ്മൾ തീരു​മാ​നി​ക്കു​ന്നു.

ഇത്‌ ഇന്ന് പ്രാ​യോ​ഗി​ക​മാ​ണോ? അപൂർണ​രാ​യ​തി​നാൽ നമ്മളെ​ല്ലാം പാപം ചെയ്യുന്നു. (റോമർ 3:23) അതു​കൊണ്ട്, മറ്റുള്ള​വ​രു​ടെ തെറ്റുകൾ ക്ഷമിക്കു​ന്നത്‌ ജ്ഞാനമാണ്‌. കാരണം, ഇന്ന് അല്ലെങ്കിൽ നാളെ അവരുടെ ക്ഷമ നമുക്ക് ആവശ്യ​മാ​യി വന്നേക്കാം. മറ്റുള്ള​വ​രു​ടെ തെറ്റുകൾ ക്ഷമിക്കു​ന്നെ​ങ്കിൽ അതിന്‍റെ പ്രയോ​ജനം എന്താണ്‌?

കോപ​വും നീരസ​വും വെച്ചു​പു​ലർത്തു​ക​യും ക്ഷമിക്കാ​തി​രി​ക്കു​ക​യും ചെയ്യു​ന്നെ​ങ്കിൽ നമ്മൾ നമ്മളെ​ത്ത​ന്നെ​യാണ്‌ ദ്രോ​ഹി​ക്കു​ന്നത്‌. അത്തരം മോശ​മായ വികാ​രങ്ങൾ നമ്മുടെ സന്തോഷം കവർന്നെ​ടു​ക്കു​ക​യും ആയുർദൈർഘ്യം കുറയ്‌ക്കു​ക​യും ജീവിതം ദുരി​ത​പൂർണ്ണ​മാ​ക്കു​ക​യും ചെയ്യും. മാത്രമല്ല, ഗുരു​ത​ര​മായ ആരോ​ഗ്യ​പ്രശ്‌ന​ങ്ങൾക്കും അത്‌ വഴി​വെ​ച്ചേ​ക്കാം. ഒരു വാർത്താ​പ​ത്രി​ക​യിൽ (Journal of the American College of Cardiology) ഡോക്‌ടർ യോയ്‌ചി ചിഡയും മനഃശാസ്‌ത്ര​വി​ദഗ്‌ധ​നായ പ്രൊ​ഫസർ ആൻഡ്രൂ സ്റ്റെപ്‌റ്റോ​യും ഇങ്ങനെ അഭി​പ്രാ​യ​പ്പെട്ടു: “സിഎച്ച്ഡി എന്ന രോഗ​ത്തിന്‌ (coronary heart disease) കോപ​ശീ​ല​വും ശത്രു​താ​മ​നോ​ഭാ​വ​വും ആയി ബന്ധമു​ണ്ടെന്ന് ആധുനിക കണ്ടുപി​ടി​ത്തങ്ങൾ തെളി​യി​ക്കു​ന്നു.”

എന്നാൽ, ക്ഷമിക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ എന്തെല്ലാ​മാണ്‌? തിരി​ച്ചൊ​ന്നും പ്രതീ​ക്ഷി​ക്കാ​തെ മറ്റുള്ള​വ​രോട്‌ ക്ഷമിക്കു​മ്പോൾ ഐക്യ​വും സമാധാ​ന​വും നമ്മൾ കാത്തു​സൂ​ക്ഷി​ക്കും, അതിലൂ​ടെ ആളുകൾ തമ്മിലുള്ള ബന്ധം സുദൃ​ഢ​മാ​യി​ത്തീ​രും. അതി​നെ​ക്കാൾ പ്രധാ​ന​മാ​യി, അനുതാ​പ​മുള്ള പാപി​ക​ളോട്‌ സൗജന്യ​മാ​യി ക്ഷമിക്കു​ക​യും അങ്ങനെ ചെയ്യാൻ നമ്മിൽനിന്ന് പ്രതീ​ക്ഷി​ക്കു​ക​യും ചെയ്യുന്ന ദൈവ​ത്തി​ന്‍റെ അനുകാ​രി​ക​ളാണ്‌ നമ്മൾ എന്ന് തെളി​യി​ക്കു​ക​കൂ​ടി​യാ​യി​രി​ക്കും ചെയ്യു​ന്നത്‌.—മർക്കോസ്‌ 11:25; എഫെസ്യർ 4:32; 5:1. (w15-E 10/01)