Daawwachuuf dhufuu kee dura beellama qabsiisuu qabdaa? Eeyyee. Namni baayʼatee iddoon akka hin dhiphannee fi namoonni hundi daawwannaa isaaniitti akka gammadaniif, warri daawwannaadhaaf dhufuu barbaadan hundi baayʼinni isaanii hammamiyyuu yoo taʼe, dursanii beellama akka qabsiisan gaafanna. Maaloo yoo xinnaate torban tokko dursii beellama qabsiisi. Guyyaa ayyaanaa ykn yeroo manni barumsaa cufamu yoo taʼemmoo sana caalaa dursitee beellama akka qabattu si jajjabeessina.

Namni dursee beellama hin qabsiisne daawwachuu ni dandaʼaa? Daawwachuuf dursitee beellama hin qabsiisne yoo taʼe, si daawwachiisuu dhiisuu dandeenya. Bakki qabnu muraasa waan taʼeef guyyaa tokko keessatti namoota murtaaʼan qofatu daawwachuu dandaʼa.

Daawwannaa keetiif saʼaatii meeqatti gaʼuu qabda? Namni baayʼatee iddoon akka hin dhiphanneef, maaloo yeroon daawwachuuf beellama qabatte gaʼuu isaa saʼaatii tokkoo ol dursitee hin dhufin.

Daawwachuuf beellama qabsiisuu kan dandeessu akkamitti? Gareen waliin daawwattu namoota kudhanii gadi yoo taʼe liinkii “Daawwachuuf Beellama Qabsiisi—Namoota 10 Gadi” jedhu tuqi. Namoota kudhaniif ykn isaa oliif beellama daawwannaa qabsiisuuf maaloo teessoowwan armaan gadiitiin nu qunnami.

Beellama qabsiiste jijjiiruu ykn haquu ni dandeessaa? Eeyyee. Liinkii “Beellama Kee Ilaali ykn Jijjiiri” jedhu tuqi.

Guyyaan ati daawwachuuf filatte qabamaa yoo taʼe hoo? Beellamni daawwannaa tokko tokko yeroo jijjiiraman ykn yeroo haqaman iddoon jiraachuu waan dandaʼuuf, weebsaayiticha irra deddeebiʼii ilaali.

Avenida Talatona No. 1

LUANDA

ANGOLA

+244 923 166 760

InboxBTHLTourDesk.AO@jw.org