Bakka adda addaatti ibiddi bosonaa kaʼe Kaalifoorniyaa Yuunaayitid Isteetis irratti miidhaa guddaa dhaqqabsiisaa jira. Yeroo ammaatti Ibiddi Diiksii inni guddaan balʼina hektaara 187,562 ol taʼeen babalʼachaa jira. Ibiddi kun balʼina isaatiin seenaa Kaalifoorniyaa keessatti isa lammaffaa dha.

• babalʼistoonni 415 qeʼee isaanii irraa buqqaʼaniiru ykn gadhiisanii baʼaniiru

• manneen 17 jijjiganiiru

• manneen 2 irra miidhaa cimaan gaʼeera

• Ilaaltonni Ol Aanaa Aanaa naannoo balaan kun gaʼe jiran jaarsolii gumii wajjin taʼuudhaan obboloota sababii ibidda kanaan miidhaan isaan irra gaʼe Kitaaba Qulqulluutti fayyadamanii isaan jajjabeessaa jiru. Kana malees obboloota qeʼee isaanii irraa buqqaʼanii fi gadhiisanii baʼan bakka buufatan akka argatan gargaaraa jiru

• Hojiin gargaarsaa kun hundi kan kenname qajeelfama KOOVIID 19 irraa of eeguu ilaalchisee kenname eeguudhaani

Sabni Yihowaa yeroo rakkinni isaan irra gaʼu illee michuu dhugaa obbolootaa fi obboleettota isaanii gargaaruuf qophaaʼan taʼuu isaanii ni argisiisu.—Fakkeenya 17:17.