14 YACHACHIKUY
¿Imaynatan Diosta adorananchis?
Chunka kinsayoq yachachikuypi yachamusqanchisman jina, Diosqa manan llapan religionkunatachu allinpaq qhawarin. Ichaqa atisunmanmi paypa munasqanman jina adorayta, sonqonpaq jina serviyta. Ichaqa, ¿imayna “adoranatan” Dios munan? ¿Mayqen “religiontan” pay chaskin? (Santiago 1:27; willakuy). Chaymantan kunan yachasun.
1. ¿Maypin yachasunman imaynatas Diosta adorananchis chayta?
Bibliapin willashan imaynatas Diosta adorananchis chaytaqa. Jesusmi Diosta nirqan: “Simiykin cheqaq kaqqa”, nispa (Juan 17:17). Wakin religionkunaqa manan Diospa simin Bibliaq nisqanman jinachu yachachinku; aswanpas, paykunaqa runakunaq nisqanman jina, costumbrenkunaman jinallan yachachinku. Ichaqa Jehová Diosqa manapunin munanchu kamachikuyninkunata saqerparinanchistaqa (leey Marcos 7:9). Sichus Bibliapi nisqanman jina kausasunchis chayqa, sonqontan kusichisunchis.
2. ¿Imaynatan Jehová Diosta adorananchis?
Jehová Diosqa kamaqninchismi, chaymi payllata adorananchis, munakunanchispas (Apocalipsis 4:11). Payqa manapunin munanmanchu idolokunaman, taytachakunaman, mamachakunaman k’umuykunanchistaqa (leey Isaías 42:8).
Diosta imaynachus adorasqanchisqa “[Diospa] sonqonman chayaq ch’uyan” kanan (Romanos 12:1). Chaypaqqa paypa kamachikusqanman jinan kausananchis. Payta munakunchis chayqa casarasqakunapaq kamachisqankunatapas tukuy sonqon kasukunanchis. Chaymantapas manan droga nisqakunata mijunanchischu, manan cigarrota pitananchischu nitaq machananchispaschu. a
3. ¿Imaraykun Jehová Diosta adorananchis pay sonqo runakunawan kuska?
Sapa semanan kan juñunakuykuna, chaypin Diosta serviq “juñusqa runakuna ukhupi [Diosta] jatunchasun” (Salmos 111:1, 2). Chaypin Jehová Diosman juj sonqolla takisun (leey Salmos 104:33). Jehová Diosqa munakuwasqanchisraykun kamachiwanchis juñunakunanchispaq, chay juñunakuykunan yanapawasun wiñaypaq kusisqa kausananchispaq. Chaymantapas juñunakuykunapin jujkuna-jujkunawan kallpachanakusun.
ASTAWAN YACHASUNCHIS
¿Imaraykun Jehová Dios mana munanchu taytachakunamanta, mamachakunamanta mañakunanchista? ¿Imaynatan payta alabasunman? Chaykunamantan kunan astawan yachasun.
4. Manan taytachakunamanta mamachakunamantaqa mañakunanchischu
Diosqa cheqnikunmi chay ruwayta. VIDEOTA qhawaychis, jinaspa jamuq tapuyman jina parlariychis:
-
¿Imanirqanmi Jehová Dios ñaupa tiempopi serviqninkuna qorimanta ruwasqa idolota adoraqtinku?
Wakin runakunan piensanku chaykunamanta mañakuspaqa astawan Diosman qayllaykunankupaq. Ichaqa, ¿manachu astawan Diosmanta karunchakushankuman? Leeychis Éxodo 20:4-6; Salmos 106:35, 36 textokunata, jinaspa jamuq tapuykunaman jina parlariychis:
-
Rikusqaykiman jina, ¿imakunamanmi runakuna k’umuykunku, pikunamanmi rezakunkupas?
-
¿Imaninmanmi Jehová Dios chay ruwasqankumanta?
-
¿Allinchu kanman taytachakunaman mamachakunaman, ima rijch’aymanpas k’umuykuy? ¿Imaniwaqtaq?
5. Jehová Diosllata adorasunchis chayqa, yanqa yachachikuykunamantan kacharichisqa kasunchis
Jehová Diosta munasqanman jina adorasun chayqa pantasqa yachachikuykunamantan karunchakusun. VIDEOTA qhawaychis.
Leeychis Salmos 91:14 textota, jinaspa jamuq tapuyman jina parlariychis:
-
Sichus Jehová Diosllata adorasunchis, tukuy sonqotaq payta munakusunchis chayqa, ¿imatan pay ruwapuwasunchis?
6. Juñunakuykunapipas Diostaqa adorananchismi
Sichus juñunakuykunapi takisunchis, atisqanchisman jina rimarisunpas chayqa, Jehová Diostan jatunchasunchis; chaymantapas jujkuna-jujkunawanmi kallpachanakusun. Leeychis Salmos 22:22 textota, jinaspa jamuq tapuykunaman jina parlariychis:
-
¿Kusikunkichu juñunakuykunapi jujkunaq rimarisqanta uyarispa?
-
¿Munawaqchu juñunakuypi rimariyta?
7. Jehová Diosqa anchatan kusikun paymanta jujkunaman willaqtinchis
¿Imaynatan jujkunaman willasunman Bibliapi yachasqanchismanta? Leeychis Salmos 9:1; 34:1 textokunata, jinaspa jamuq tapuyman jina parlariychis:
-
¿Bibliapi ima yachasqaykimantan jujkunaman willariyta munawaq?
WAKIN RUNAKUNAN NINKU: “Diostaqa munasqanchisman jinan adorananchis. Diosqa allin runa kanallanchistan munan”, nispa.
-
¿Imaniwaqtaq chaymanta?
IMATAN YACHAMURQANCHIS
Diospa sonqonta kusichinanchispaqqa payllatan adorananchis, juñunakuykunapin payta jatunchananchis, jujkunamantaq paymanta willananchis.
Yuyarisun
-
¿Maypin Dios willawanchis imaynatachus payta adorananchis chayta?
-
¿Imaraykun Jehová Diosllata adorananchis?
-
¿Imaraykun Diosta kasukuq runakunawan kuska Jehová Diosta adorananchis?
ASTAWAN YACHANAYKIPAQ
Kay qelqapin willashan juj warmiq vidanmanta, chaypin payqa nin: “Manañan idolokunatachu servini”, nispa.
“Bibliaq yanapayninwan cambianku” (Qhawaq, 2011 watapi 1 julio)
Kaypin tarinki juñunakuykunapi rimarinaykipaq wakin yanapaykunata.
“Juñunakuykunapi Jehová Diosta jatunchasun” (Qhawaq, 2019 watapi enero killa)
Kay videopin willashan juj waynamanta, paypaqqa nishu sasas kasqa juñunakuykunaman riy.
Askha runan cruzta allinpaq qhawarinku, chayta jap’ispan Diosmantapas mañakunku, ichaqa ¿allinchu chay ruway kanman?
“¿Imaraykun Jehová Diospa testigonkuna mana cruzpi creenkuchu?” (jw.org paginapi leey)
a Chaykunamantan astawan yachasunchis jamuq yachachikuykunapi.
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
