E Mafai Ona E Maua le Atamai
“O Tusitusiga Paia uma e mai i le agaga o le Atua.” (2 Timoteo 3:16) I lenei fuaiupu, o le faaupuga “mai i le agaga” e uiga atu i le tuu e le Atua o Lē e ona le malosi uma lava ona mafaufauga, i mafaufau o ē na tusia le Tusi Paia.
E Finagalo le Atua ia E Maua Aogā Mai i Lona Atamai
“O aʻu o Ieova, . . . o Lē o loo aʻoaʻo oe i mea e aogā iā te oe, o Lē e taʻitaʻiina oe i le ala e ao ona e ui ai. E lelei pe a e faalogo mai i aʻu poloaʻiga! Ona pei ai lea o se vaitafe lou filemu, ma lau amiotonu e pei o galu o le sami.”—ISAIA 48:17, 18.
Ia vaai i nei upu o se valaaulia faapitoa mai i le Atua mo oe. E finagalo o ia ia e maua le filemu o le mafaufau ma le fiafia e faavavau. E mafai foʻi ona ia fesoasoani iā te oe ia e maua na mea.
E Mafai Ona E Maua le Atamai o le Atua
ʻE ao ona talaʻiina atu le tala lelei i atunuu uma lava.’—MAREKO 13:10.
O le “tala lelei” e aofia ai folafolaga a Ieova e aveesea mafatiaga, avea le lalolagi ma parataiso ma toe faatutū mai ē pele iā i tatou ua maliliu. O loo talaʻia e Molimau a Ieova lenā feʻau faale-Tusi Paia i le lalolagi aoao.
E te Ono Fiafia Foʻi
LE OLOMATAMATA
Tusi Paia—Le Puna Maufaatuatuaina o le Upu Moni
E mafai ona e mautinoa atoatoa e te maufaatuatuaina le Tusi Paia.
