Lokisetsa hantle. Ipotse hore na ke hobaneng ha ntlha eo e ngotswe. Itlwaetse ho bala o sa pelete. Hlokomela hore o se ke wa ikenyetsa mantswe, wa a tlola kapa wa a bitsa hampe. Sheba matshwao ohle a puo.

Bitsa mantswe hantle. Haeba o sa tsebe hore na lentswe le itseng le bitswa jwang, mamela se seng sa dingolwa tsa rona tse rekotilweng kapa o kope motho e mong ho o thusa.

Bua hantle. Phahamisa hlooho, o bitse mantswe hantle o be o buele hodimo. Etsa sohle seo o ka se kgonang ho bitsa mantswe hantle.