ዳርጋ ዅላትና ብዛዕባ ህይወትን መከራን ሞትን መጻእን ሕቶታት ኣሎና። ከም መነባብሮ ወይ ሓጐስ ስድራ ቤት ዝኣመሰለ መዓልታዊ ጕዳያት እውን የተሓሳስበና እዩ። ብዙሓት ሰባት፡ መጽሓፍ ቅዱስ ነቲ ኣብ ህይወቶም ዚልዓል ዓበይቲ ሕቶታት ኣብ ርእሲ ምምላሱ፡ ንመዓልታዊ ህይወቶም ዚኸውን ግብራዊ ምኽሪ እውን ዚህብ ኰይኑ ረኺቦምዎ እዮም። እሞ ደኣ መጽሓፍ ቅዱስ ኪሕግዝ ዚኽእልዶ ይመስለካ፧

1. ገለ ኻብቲ መጽሓፍ ቅዱስ ዚምልሶ ሕቶታት እንታይ እዩ፧

መጽሓፍ ቅዱስ ነዚ ዚስዕብ ኣገዳሲ ሕቶታት መልሲ ይህብ እዩ፦ ህይወት ብኸመይ እያ ጀሚራ፧ ስለምንታይ ኢና ተፈጢርና፧ ስለምንታይ እዩ ኣብ ልዕሊ ንጹሃት ሰባት መከራ ዚወርድ፧ ሰብ ምስ ሞተ እንታይ እዩ ዚኸውን፧ ኵሉ ሰብ ሰላም ዚደሊ እንተ ዀይኑ፡ ስለምንታይ እዩ ብዙሕ ውግእ ዘሎ፧ ምድሪ ኣብ መጻኢ እንታይ ክትከውን እያ፧ መጽሓፍ ቅዱስ መልሲ እዚ ሕቶታት እዚ ኽንደሊ የተባብዓና እዩ። ሚልዮናት ሰባት ከኣ ኣጸቢቑ ዜዕግብ መልሲ ረኺቦም እዮም።

2. መጽሓፍ ቅዱስ ንመዓልታዊ ህይወትና ኸነስተማቕሮ ዚሕግዘና ብኸመይ እዩ፧

መጽሓፍ ቅዱስ ጽቡቕ ምኽሪ ይህበና እዩ። ንኣብነት፡ ስድራ ቤታት ናይ ሓቂ ሓጐስ ብኸመይ ከም ዚረኽባ ይምህር እዩ። ንጸቕጢ ብኸመይ ከም እንዋጽኣሉን ብስራሕና ብኸመይ ከም እንሕጐስን ምኽሪ ይህበና እዩ። መጽሓፍ ቅዱስ ብዛዕባ እዚ ጕዳያት እዝን ብዛዕባ ብዙሕ ካልእን እንታይ ከም ዚምህር፡ ነዚ ትምህርትታት እዚ እናተመያየጥናሉ ምስ ከድና ኽትፈልጥ ኢኻ። ሽዑ፡ ነቲ፡ “ኵሉ ቕዱስ ጽሑፍ [ኵሉ ኣብ መጽሓፍ ቅዱስ ዘሎ] . . . ዚጠቅም እዩ” ዚብል ሓሳብ ትሰማምዓሉ ትኸውን።—2 ጢሞቴዎስ 3:16።

4. መጽሓፍ ቅዱስ ንሕቶታትና ኺምልሰልና ይኽእል

 5. ንመጽሓፍ ቅዱስ ባህ ኢሉካ ኸተንብቦ ትኽእል ኢኻ

6. ንመጽሓፍ ቅዱስ ምእንቲ ኽንርድኦ፡ ካልኦት ኪሕግዙና ይኽእሉ

ብዙሓት ሰባት ንመጽሓፍ ቅዱስ ባዕሎም ኣብ ርእሲ ምንባቦም፡ ምስ ካልኦት ምምይያጥ እውን ሓጋዚ ዀይኑ ረኺቦምዎ እዮም። ግብሪ ሃዋርያት 8:26-31 ኣንብብ፡ ድሕሪኡ በዚ ሕቶ ተመያየጡ፦

•   ንመጽሓፍ ቅዱስ ብኸመይ ክንርድኦ ንኽእል፧—ፍቕዲ 30ን 31ን ርአ።

 ጽማቝ

መጽሓፍ ቅዱስ ንመዓልታዊ ህይወትና ምኽሪ ይህብ፡ ኣገዳሲ ሕቶታት ይምልስ፡ መጸናንዕን ተስፋን ድማ ይህብ።

ክለሳ

•   ኣብ መጽሓፍ ቅዱስ እንታይ ዓይነት ምኽሪ ኢና እንረክብ፧

•   ገለ ኻብቲ መጽሓፍ ቅዱስ ዚምልሶ ሕቶታት እንታይ እዩ፧

•   ካብ መጽሓፍ ቅዱስ እንታይ ክትምሃር ትደሊ፧