ግምቢ ዘብዐኛ—ሕታም መጽናዕቲ ሰነ 2017

እዛ ሕታም እዚኣ፡ ካብ 31 ሓምለ-27 ነሓሰ 2017 ዚጽናዕ ዓንቀጻት መጽናዕቲ ዝሓዘት እያ።

ትዝክሮዶ፧

ነቲ ኣብዚ ቐረባ እዋን ዝወጸ ሕታማት ግምቢ ዘብዐኛ ብጥንቃቐ ኣንቢብካዮዶ፧ ክንደይ መጽሓፍ ቅዱሳዊ ሕቶታት ክትምልስ ከም እትኽእል ርአ።

ገለ ኻብቲ ሎሚ ንክርስትያናት ኣብ ሓዳሮም ወይ ኣብ ናብራ ስድራ ቤቶም ኬጋጥሞም ዚኽእል ጸገማት እንታይ እዩ፧ ከምዚ ዝበለ ጸገማት የጓንፈካ እንተ ኣልዩ፡ ካብ ኣምላኽ ከመይ ጌርካ ምጽንናዕ ክትረክብ ትኽእል፧

እንታይ መዛግብቲ ኢና ኣኽቢርና ኽንርኢ ዘሎና፧ ከመይ ጌርናኸ ኢና ኸምኡ እንገብር፧

ሓደ ናይ የሆዋ ምስክር ንሓደ ምስ ሰብ ዘይቀርብን ስግንጢርን ግዳም ሓደር ብትዕግስቲ ምስ ኣዘራረቦ እንታይ ኰይኑ፧

ሰላም ዘይደሊ ሰብ የሎን። ግናኸ፡ ብዙሓት ሰባት ክብሪ ዘይተዋህቦም ኰይኑ ምስ ተሰምዖም ወይ ብትዕቢት ተላዓዒሎም ሰላም ይዘርጉ እዮም። ነዚ ብኸመይ ከተወግዶ ትኽእል፧

እዘን ቃላት እዚአን፡ እቲ ንጉስ ጥንታዊት እስራኤል ዝነበረ ዳዊት ንኣቢጋይል ኪንእዳ ኢሉ እተዛረበን እየን። እሞ ደኣ ዳዊት ከምኡ ኢሉ ዝነኣዳ ስለምንታይ እዩ፧ ካብ ኣብነታኸ እንታይ ጥቕሚ ኽንረክብ ንኽእል፧

ሕጂ ንዅሎም ደቂ ሰብ ዚምልከት እንታይ ዓብዪ ጕዳይ ኣሎ፧ ነቲ ጕዳይ እቲ ምግንዛብና ኽሳዕ ክንደይ ኣገዳሲ እዩ፧

የሆዋ ንዩኒቨርስ ከም ዚግብኦ ምቕባልካ፡ ኣብ ህይወትካ እንታይ ለውጢ የምጽእ፧

የሱስ ነቶም ኣብ ቤተ መቕደስ እንስሳታት ዚሸጡ ዝነበሩ ነጋዶ፡ “ጐሓሉት” ዝበሎም ስለምንታይ እዩ፧