Shinggyim masha ni a ‘apart gaw gadun nna, ru yak ai hte hpring nga ai’ ngu Chyum Laika hta tsun da ai. (Yoba 14:1) Dai gaw anhte a matu Karai Kasang yaw shada da ai lam rai kun? N re ai nga yang, anhte a matu shi a yaw shada lam gaw hpa rai kun? Shi a yaw shada lam gara aten hta hpring tsup wa na kun? Chyum Laika kaw na shalan shabran lam lu shangun ai mahtai ni hpe yu yu ga.

1. Yehowa gaw anhte hpe gara zawn asak aprat lu shangun mayu ai kun?

Yehowa gaw anhte hpe kaja htum prat hpe lu shangun mayu ai. Adam yan Ewa hpe hpan ai shaloi, grai tsawm ai hparadisu Edin sun hta nga shangun ai. Dai hpang, “Karai Kasang gaw shan hpe tsun mu ai gaw, Nan kashu kasha shaprat nna mayat maya wa mu; ga ting hpe jahpring nna dai hpe up nga lu mu” ngu tsun ai. (Ningpawt 1:28) Yehowa gaw shan hpe kashu kasha shaprat shangun mayu ai, mungkan ting hpe hparadisu byin hkra galaw shangun mayu ai, dusat dumyeng ni hpe lanu lahku shangun mayu ai. Shi a yaw shada lam gaw, shinggyim masha yawng hkum tsup ai hkam ja lam hte, ngwi pyaw let htani htana asak hkrung shangun mayu ai re.

Dai hte maren garai n byin shi ai. a Raitim, Karai a yaw shada lam gaw n galai shai ai. (Esaia 46:​10, 11) Shi gaw madat mara ai shinggyim masha ni hpe hkum tsup ai masa lam hte, htani htana asak hkrung shangun mayu nga ding yang re.​—Shingran 21:​3, 4 hpe hti u.

2. Ya aten hta mung lachyum nga ai prat hte gara hku ngwi pyaw lu na kun?

Yehowa gaw anhte hpe “wenyi” lam hta ra kadawn nga ai ni hku nna hpan da ai. Dai majaw, shi a lam chye mayu nna shi hpe nawku mayu ai. (Mahte 5:​3-6 hpe hti u.) Karai Kasang gaw shi hte hku hkau na matu, “shi a lam nlang hkan nang” na matu, ‘myit masin mahkra hte kraw lawang mahkra hte tsaw ra’ let nawku na matu ra sharawng ai. (Tara Jahprang 10:12; Ga Shagawp 3:32) Dai hku galaw na nga yang, anhte hta manghkang ni nga tim, gaja wa ngwi pyaw lu na re. Yehowa hpe nawku na nga yang, lachyum nga ai prat lu la nna, prat hta yaw shada lam mung nga wa na re.

 4. Yehowa a yaw shada lam n galai shai

Shakawn 37:​11, 29 hte Esaia 55:11 hpe hti nna, ndai ga san hpe bawngban u:

• Anhte a matu Yehowa a yaw shada lam n galai shai ai hpe gara hku chye lu ai kun?

5. Yehowa hpe nawku dawjau ai kaw na lachyum nga ai prat lu la

 Kadun Dawk

Yehowa gaw, anhte hpe ginding aga hta hkum tsup ai prat hte htani htana ngwi pyaw let asak hkrung shangun mayu ai. Shi hpe myit masin mahkra hte nawku na nga yang, ya aten hta pyi lachyum nga ai prat hpe lu la na re.

Bai Maram

• Adam yan Ewa a matu, Yehowa a shawng nnan na yaw shada lam gaw hpa rai kun?

• Shinggyim masha ni a matu, Karai a yaw shada lam n galai shai ai hpe gara hku chye lu ai kun?

• Lachyum nga ai prat hpe gara hku mu tam na kun?