Manang kaja ni gaw pyaw ai aten hta grau ngwi pyaw shangun lu ai zawn, yak ai aten hta mung n-gun jaw ya lu ai. Raitim, masha yawng gaw kaja ai manang n re ai ngu Chyum Laika hta sadi jaw da ai. Kaja ai manang hpe gara hku tam lu na kun? Lawu na ga san ni hpe myit yu ga.

1. Nang lata ai manang ni gaw, nang hpe gara hku shingkang ka-up lu ai kun?

Anhte aten jaw nna kanawn ai masha ni zawn, anhte byin wa chye ai. Masha shada kanawn mazum ai, intanet hku na aten jaw kanawn mazum ai gaw, kaja ai (sh) n kaja ai akyu shabyin ya lu ai. Chyum Laika hta ndai hku tsun da ai: “Hpaji rawng ai ni hte kanawn ai wa hpaji rawng na ra ai; Angawk [Yehowa hpe n tsawra] ai ni a manang ni chyawm gaw, hten byak hkrum na ra ai.” (Ga Shagawp 13:20) Yehowa hpe tsawra nna shi hpe nawku ai manang ni gaw, Yehowa hte nihtep hkra, kaja ai dawdan lam ni jahkrat lu hkra anhte hpe karum ya lu ai. Raitim, nawku hpung kaw na n re ai ni hte kanawn yang, Yehowa hte tsan mat shangun chye ai. Dai majaw, manang ni hpe hpaji rawng ai hku lata na matu Chyum Laika hta n-gun jaw da ai. Karai Kasang hpe tsawra ai ni hte manang galaw ai nga yang, lahkawng maga akyu lu na re. “Shada da shadum shahprang nna shadaw shalan” ya lu ai.​—1 Htesaloni 5:11.

2. Manang lata ai lam gaw Yehowa hpe gara hku hkamsha shangun ai kun?

Yehowa gaw, manang hpe atsawm lata ai. “Teng man ai ni chyawm gaw shi hte jinghku hku lu na ma ra ai.” (Ga Shagawp 3:32) Yehowa hpe n tsawra ai ni hte anhte manang galaw yang, shi gara hku hkamsha na kun? Grai yawn na re. (Yaku 4:4 hpe hti u.) Raitim, n kaja ai manang ni hpe nyet kau nna, shi hte nihtep hkra, shi hpe tsawra ai ni hte nihtep hkra galaw na nga yang, shi myit pyaw ai. Anhte hpe mung shi a jinghku hku nna lata na re.​—Shakawn 15:​1-4.

 Kahtap Hkaja

4. Asak hte shingdu labau n bung ai ni mung manang kaja byin lu

Moi na Israela la lahkawng re ai Dawi yan Yonahtan a lam hpe Chyum Laika hta tsun da ai. Shan gaw asak hte shingdu labau n bung tim, grai hku hkau ai. 1 Samuela 18:1 hpe hti nna, ndai ga san hpe bawngban u:

• Anhte a manang ni gaw asak bung ai (sh) shingdu labau bung ai ni sha hpa majaw n rai ra ai kun?

Roma 1:​11, 12 hpe hti nna, ndai ga san hpe bawngban u:

• Yehowa hpe tsawra ai manang ni gaw shada da gara hku n-gun jaw ya lu ai kun?

Ndai video hta, ramma lasha gaw n myit mada ai shara ni hta manang ni hpe gara hku tam mu wa ai hpe yu yu u. VIDEO hpe hpaw, dai hpang ndai ga san ni hpe bawngban u.

• Ndai video hta Aki a kanu kawa ni gaw, shi a jawng manang ni hte seng nna hpa majaw myit tsang wa ai kun?

• Nnan hta, dai manang ni hpe shi hpa majaw ra sharawng ai kun?

• Garen ai hpe shi gara hku tawt lai lu wa ai kun?

 5. Kaja ai hku hkau lam nga hkra galaw mai ai lam

 Kadun Dawk

Manang ni hpe hpaji rawng ai hku lata yang, Yehowa hpe myit shapyaw ya lu nna anhte nan mung akyu lu ai.

Bai Maram

• Anhte manang lata ai lam gaw, Yehowa a matu hpa majaw ahkyak ai kun?

• Gara zawn manang ni hpe koi ging ai kun?

• Kaja ai manang ni hte hku hkau lam ngang kang hkra gara hku galaw mai na kun?