ROSO 43
Qullaawu Maxaafi Agu Daafira Mayyaanno?
Alamete aana, mannaho agu daafira addi addi lao noonsa. Mitootu jaallansa ledo saˈe saˈe aga baxxanno. Wolootu kayinni horonta aga dihasidhanno. Mitootu kayinni agge dimbate geeshsha iillitanno. Qullaawu Maxaafi agu daafira mayyaannoyya?
1. Ago aga cubboho?
Qullaawu Maxaafi ago aga cubboho diyaanno. Hatteentenni Qullaawu Maxaafi, Maganu uyinonketa batinye elto kulanni “hagiirsiissannota woyinete [xajjeno]” qummi assanno. (Faarso 104:14, 15) Qullaawu Maxaafi giddo kulloonnihu mitu ammanamino labballinna meenti ago agino.—1 Ximootewoosi 5:23.
2. Qullaawu Maxaafi aga doodhanno manna mayyee amaalanno?
Yihowa quwa saˈne angannitanna dimbinannita giwanno. (Galatiyu Sokka 5:21) Qaalisi “Agaasinete ledo hossooti” yaanno. (Lawishsha 23:20) Hakko daafira ago aga doodhinummoro, calla heeˈnoommoha ikkiro nafa, batisiˈra dihasiissannonke; ago quwa sayinse angeemmoha ikkiro, garunni heda, hattono coyiˈneemmorenna assineemmore eemadha didandiineemmo; fayyimmankeno gawajjantanno. Quwa sayise aga qarra ikkitinonkeha ikkiro, horonta aga agura hasiissannonke.
3. Ago lainohunni wolootu doodhitinore ayirrisa dandiineemmohu hiittoonniiti?
Mittu mittunku manchi ago agannoronna teˈee umisi doodha hasiissannosi. Ago quwa saikki aga doodhanno manna misha dihasiissannonke; aga hasiˈrannokki manna aganno gede xixxiiwano dihasiissannonke. (Roomu Sokka 14:10) Ago aganke wolu mannira guficho ikkitannoha ikkiro, aga hooga doodhineemmo. (Roomu Sokka 14:21 nabbawi.) ‘Wolu qiniite ikkinnina uminke qiniite dihasiˈneemmo.’—1 Qorontoosi 10:23, 24 nabbawi.
LEDDE XIINXALLI
Ago agattoronna teˈee hattono mageeshshiha agattoro doodhatto gede kaaˈlannoheha Qullaawu Maxaafiha xintu seera xiinxalli. Qoleno quwa sayisse aga qarra ikkitinoheha ikkiro, maa assa dandaattoro rosi.
4. Ago agattoronna teˈee doodhi
Ago agate daafira Yesuusira mayi lao noosi? Tenne afate, hanni isi umo loosino maalale laˈno. Yohaannisi 2:1-11 nabbabbe; hakkiinni aante noo xaˈmuwa hasaabbe:
-
Tini maalale leellishshanno garinni, Yesuusira agohonna aganno mannira mayi lao noosi?
-
Yesuusi ago aga cubboho yiinokki daafira, aga doodhitannore ma garinni laˈˈa hasiissannonke?
Ikkollana, Kiristaanu ago aga dandaannoha ikkirono, aga dancha ikkitannokki woyiti no. Lawishsha 22:3 nabbabbe; hakkiinni, konni woroonni noo coyibba mittu manchi aga hooga doodhanno gede assitasira dandiitannohu hiittoonniitiro hasaabbe:
-
Makeena kadara woy maashinetenni loosara kae nooha ikkiro
-
Godowii noota ikkituro
-
Akime ago aggooti yitinosiha ikkiro
-
Quwa sayise aga qarra ikkitinosiha ikkiro
-
Gashshootu seeri agara fajjannosikkiha ikkiro
-
Quwa sayise aga qarra ikkitinosi daafira horonta aga hasiˈrannokki manchi ledo nooha ikkiro
Sargenniwa woy wolu jiliwa agatto shiqisha hasiissannohe? Tennera maa assittoro woyyannoro afate, VIIDIYO laˈe.
Roomu Sokka 13:13 nna 1 Qorontoosi 10:31, 32 nabbabbe. Mitto mittonka qummeeshsha nabbabbinihu gedensaanni, tenne xaˈmo hasaabbe:
-
Kuni xintu seeri yaannore assakki, Yihowa hagiirsiisannore doodhatto gede kaaˈlitannohehu hiittoonniiti?
Mittu mittunku Kiristaanchi ago agannoronna teˈee umisi doodha hasiissannosi. Mittu Kiristaanchi mito woyite agannoha ikkiro nafa, wole woyite kayinni aga hooga doodhara dandaanno
5. Mageeshshi ago agattoro doodhi
Ago aga doodhittoro, tenne qaagi: Yihowa ago angannita hoolinokkiha ikkirono, quwa sayinse angannita kayinni dibaxanno. Mayira? Hoosei 4:11, 18 nabbabbe; hakkiinni tenne xaˈmo hasaabbe:
-
Mittu manchi quwa sayise agiro mayi maikkara dandaanno?
Quwa sayinse angeemmokki gede maa assa dandiineemmo? Dhukanke woy deerranke anfoommore ikka hasiissannonke. Lawishsha 11:2 (NW) nabbabbe; a hakkiinni tenne xaˈmo hasaabbe:
-
Mageeshsha angeemmoro balanxe doodha dancha ikkitinohu mayiraati?
6. Quwa sayise agate rosicho qeeˈla dandaatto
Mittu manchi quwa sayise aga aguranno gede kaaˈlinosiri maatiro wodanchi. VIIDIYO laˈe; hakkiinni aante noo xaˈmuwa hasaabbe.
-
Viidiyote giddo laˈnummonte gede, Dimitiri ago aganno woyite hiitto ikkanno?
-
Isi ago hakkawoyintenni agura dandiinoni?
-
Isi gedensoonni agu araado qeeˈla dandiinohu hiittoonniiti?
Umi Qorontoosi 6:10, 11 nabbabbe; hakkiinni tenne xaˈmuwa hasaabbe:
-
Dimba mageeshshi cubbooti?
-
Ago quwa sayise aganno manchi busha rosichosi qeeˈla dandaannota leellishannori maati?
Maatewoosi 5:30 nabbabbe; hakkiinni aante noo xaˈmo hasaabbe:
-
Anga mure huna, Yihowa hagiirsiisate mito banxeemmo coye agura hasiissannonketa leellishanno lawishshaati. Ago quwa sayise agate rosicho qeeˈlate sharrantanni noottoha ikkiro, maa assa dandaatto? b
Umi Qorontoosi 15:33 nabbabbe; hakkiinni aante noo xaˈmo hasaabbe:
-
Ago quwa sayise aganno manni ledo jaalooˈma gawajjitahera dandiitannohu hiittoonniiti?
MITU MANNI TOGO YEE XAˈMARA DANDAANNO: “Qullaawu Maxaafi ago aga cubboho yaanno?”
-
Ati tennera mayite qolatto?
XAPHISHSHA
Yihowa ago kalaqinohu hagiidhinammora yeeti; ikkirono isi quwa sayinse angannitanna dimbinannita giwanno.
Kageeshsha Rosoottore
-
Qullaawu Maxaafi agu daafira mayyaanno?
-
Quwa sayise aga gawajjitannohu hiittoonniiti?
-
Ago lainohunni wolootu doodhitinore ayirrinseemmota leellisha dandiineemmohu hiittoonniiti?
EGENNO LEXXI
Wedellootu agu daafira gara ikkinore doodha dandiitannohu hiittoonniiti?
Mittu manchi quwa sayise agate rosicho qeeˈlate maa maa assa dandaanno?
“Agoho Gara Ikkitino Lao Heedhohe” (Agarooshshu Shae, Arfaasa 1, 2010)
Kiristaanu dancha halchonsa leellishate burcuqqo kayisa hasiissannonsa?
“Nabbawaano Xaˈmitanno Xaˈmo” (Agarooshshu Shae, Ammajje 15, 2007)
“Alba Ani Woriido Dhookkino Barmeelle Gedeeti” yitannote heeshshote xaggera, mittu manchi quwa sayise agate rosicho qeeˈla dandiinohu hiittoonniitiro nabbawi.
“Qullaawu Maxaafi Heeshsho Biddi Assanno” (Agarooshshu Shae, Onkoleessa 1, 2012)
a Lawishsha 11:2 (NW): “Booˈnate hoode shollinyu daanno; dhukansa affinori kayinni hayyootaho.”
b Agu araado amaddinonsari araadonsa qeeˈla dandiitanno gede akimete kaaˈlo hasiissannonsaha ikkara dandaanno. Batinyu akimooti, agu araado qarrissannonsa manni horonta aga hoogiro woyyate yite amaaltanno.
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
