ISityhilelo Esiya KuYohane 7:1-17
7 Emva kwezi zinto, ndabona iingelosi ezine zimi kwiikona zone zomhlaba, ziyibambe zayiqinisa imimoya emine yomhlaba, ukuze kungabikho moya uvuthuza emhlabeni okanye elwandle okanye nakuwuphi na umthi.
2 Ndabona enye ingelosi ivela empumalanga, iphethe isixhobo sikaThixo ophilayo sokubeka uphawu.* Ngelizwi elikhulu, yakhwaza iingelosi ezine ekwakuthiwe maziwonakalise umhlaba nolwandle,
3 yathi: “Sanukuwonakalisa umhlaba okanye ulwandle okanye imithi, de sibe siwabeke uphawu*+ emabunzini onke amakhoboka kaThixo wethu.”+
4 Ndaliva inani labo babekwa uphawu,* babeyi-144 000,+ bephuma kuzo zonke izizwe zoonyana bakaSirayeli:+
5 Kwisizwe sakwaYuda kwabekwa uphawu* kubantu abayi-12 000,kwisizwe sakwaRubhen yaba yi-12 000,kwisizwe sakwaGadi yaba yi-12 000,
6 kwisizwe sakwa-Ashere yaba yi-12 000,kwisizwe sakwaNafetali yaba yi-12 000,kwisizwe sakwaManase+ yaba yi-12 000,
7 kwisizwe sakwaSimeyon yaba yi-12 000,kwisizwe sakwaLevi yaba yi-12 000,kwisizwe sakwaIsakare yaba yi-12 000,
8 kwisizwe sakwaZebhulon yaba yi-12 000,kwisizwe sakwaYosefu yaba yi-12 000,kwaza kwisizwe sakwaBhenjamin kwabekwa uphawu* kubantu abayi-12 000.
9 Emva koko, jonga! ndabona naso isihlwele esikhulu sabantu, ekungekho mntu wakwaziyo ukusibala, siphuma kuzo zonke iintlanga nezizwe nezizwana neelwimi,+ simi phambi kwetrone naphambi kweMvana,*+ sinxibe iimpahla ezimhlophe, yaye siphethe amasebe omthi wesundu.+
10 Sasiqhubeka sikhwaza sisithi: “Sisindiswe nguThixo wethu, ohleli etroneni,+ nayiMvana.”*+
11 Zonke iingelosi zazimile zijikeleze itrone nabadala+ nezidalwa eziphilayo ezine, bonke baguqa phambi kwetrone bejongise ubuso emhlabeni, bakhonza uThixo,
12 besithi: “Amen! Umele udunyiswe Thixo wethu kuba uzukile, unobulumko, unamandla yaye womelele. Kwakhona umele ubulelwe, unikwe imbeko ngonaphakade kanaphakade.+ Amen.”
13 Emva koko omnye wabadala wathi kum: “Ngoobani aba banxibe iimpahla ezimhlophe+ yaye bavela phi?”
14 Ngoko nangoko ndathi kuye: “Nkosi yam nguwe owaziyo.” Yena wathi kum: “Aba bantu baphuma kwixesha lentlungu engathethekiyo,+ baye bazihlamba iimpahla zabo zamhlophe egazini leMvana.*+
15 Yiloo nto bephambi kwetrone kaThixo, besenza umsebenzi wakhe ongcwele imini nobusuku, etempileni yakhe, yaye Lowo uhleli etroneni+ uza kuyolulela phezu kwabo intente yakhe.+
16 Soze baphinde balambe okanye banxanwe, nelanga soze liphinde libagqatse okanye beve ubushushu obutshisayo,+
17 kuba iMvana*+ engakwitrone iza kubakhathalela njengomalusi,+ ibase kwimithombo enamanzi obomi.+ Yaye uThixo uza kuzosula zonke iinyembezi emehlweni abo.”+
Umbhalo osemazantsi
^ Okanye “isitampu.”
^ Okanye “isitampu.”
^ Okanye “isitampu.”
^ Okanye “isitampu.”
^ Okanye “isitampu.”
^ Okanye “kweTakane Legusha.”
^ Okanye “naliTakane Legusha.”
^ Okanye “leTakane Legusha.”
^ Okanye “iTakane Legusha.”