Job 7:1-21
7 U kuxtal juntúul máak way yóokʼol kaabeʼ chíikaʼan tiʼ junpʼéel yaayaj meyaj,u kʼiiniloʼob u kuxtaleʼ bey jeʼex u kʼiiniloʼob u meyaj juntúul máak contratartaʼan utiaʼal meyajeʼ.+
2 Máakeʼ bey jeʼex juntúul esclavo ku tsʼíiboltik junpʼíit boʼoyeʼ,yéetel bey jeʼex juntúul máak contratartaʼan meyaj táan u páaʼtik u boʼotaʼaleʼ.+
3 In herenciaeʼ letiʼe meses mix baʼal u biilaloʼoboʼ,yéetel in náajaleʼ letiʼe áakʼaboʼob táan in muʼyajoʼ.+
4 Le kéen chilaken weenleʼ chéen táan in páaʼtik u yorail in líikʼil,+pero tumen jach ku xáantal le áakʼaboʼ chéen táan in suʼusutkinba hasta ken sáasak.*
5 U bakʼel in wíinklileʼ chuup yéetel x-nookʼol, tsʼoʼoleʼ tʼotʼochkil yéetel luʼum,+in wootʼeleʼ chuup yéetel u yooxeloʼob bey xan yéetel puj.+
6 U kʼiiniloʼob in kuxtaleʼ jach séeb u máan,+kéen máankeʼ tsʼoʼok beyoʼ.+
7 In Dios, kʼaʼajaktecheʼ in kuxtaleʼ bey iikʼeʼ,+yéetel in wichoʼobeʼ junpuliʼ maʼ kun kaʼa kiʼimaktal u yóoloʼob.*
8 A wichoʼob táan u paktikenoʼob beoraaʼ maʼ ken u kaʼa ilenoʼob.
Yaan u máan a wich a kaxten, pero yaan a wilik minaʼanen.+
9 Jeʼex junwóol múuyal ku saʼatal yéetel ku pʼáatal minaʼaneʼ,le máax ku bin teʼ Muknaloʼ* maʼ tu kaʼa líikʼil.+
10 Maʼ tu kaʼa suut tu yotoch,tsʼoʼoleʼ ku tuʼubsaʼal tumen u yéet kaajaloʼob.+
11 Le oʼolaleʼ maʼ ken in mak in chiʼ.
¡Yaan u seguer in tʼaan tumen yaachajaʼan in wóol,yaan in quejarkinba yoʼolal baʼax kin muʼyajtik!+
12 ¿Kʼaʼabéet wa in vigilartaʼal xan jeʼex le kʼáaʼnáabyéetel le nukuch baʼalcheʼob yanoʼob ichiloʼ?
13 Le kéen in tukult: ‹Wa kin chitaleʼ yaan u chan líikʼil in wóol,wa kin chital tin camaeʼ yaan u chan xuʼulul in muʼyaj›,
14 teʼ súutukil jeʼeloʼ ka jaʼasik in wóol yéetel baʼaxoʼob ka beetik in wayakʼtik,*yéetel ka beetik in sajaktal yoʼolal baʼaxoʼob ka tsʼáaik in wile.
15 Le oʼolaleʼ maas maʼalob ka xuʼuluk in chʼaʼik in wiikʼ,maas maʼalob ka kíimken ke ka kuxlaken yéetel junpʼéel wíinklil beyaʼ.*+
16 Jach in pʼeek kuxliken,+ maʼ in kʼáat ka seguernak in kuxtaliʼ.
Xúumpʼatteniʼ, tumen u kʼiiniloʼob in kuxtaleʼ séeb u máan bey jeʼex junpʼéel múus iikʼeʼ.+
17 ¿Baʼax tiaʼal ka chʼaʼik en cuentail juntúul kʼeban wíinikyéetel ka wilik baʼax ku beetik?+
18 ¿Baʼaxten le kéen u yaʼal u sáastaleʼ táan a jach ilik baʼax ku beetikyéetel láalaj hora táan a tsʼáaik a pruebail?+
19 ¿Baʼaxten maʼ tu xuʼulul a paktiken,kex chéen jun chan súutuk, utiaʼal ka páajchajak in lukʼik in túub?*+
20 Wa tsʼoʼok in kʼebantaleʼ, ¿baʼax kʼaasil jeʼel in beetik tiʼ teech, le Máax ilik tuláakal máakoʼ?+
¿Baʼaxten chéen teen ka atacarken?
¿Tsʼoʼok wa in pʼáatal bey junpʼéel kuuch a tiaʼaleʼ?
21 ¿Baʼaxten maʼ ta perdonartik in kʼeban,yéetel maʼ ta tuʼubsik le baʼax kʼaas in beetmoʼ?
Si taʼaytak in suut teʼ luʼumoʼ.+
Le kéen joʼopʼok a kaxtikeneʼ yaan a wilik minaʼanen».
Notas
^ Wa «tu taal u píikʼil».
^ Ich hebreoeʼ ku yaʼalaʼal kaʼach «maʼ ken u kaʼa iloʼob baʼax maʼalob».
^ Ilawil página 2572.
^ Tuláakʼ tuʼuxeʼ ku yaʼalaʼal «náay».
^ Wa «ka kuxlaken chéen yéetel in baakeloʼob».
^ Tuláakʼ tuʼuxeʼ ku yaʼalaʼal «lúul».
