XOOK 14
¿Bix u kʼáat Dios ka k-adorarte?
Jeʼex t-ilaj teʼ xook máanoʼ maʼ tuláakal le religiónoʼob ku kʼaʼamal tumen Diosoʼ. Chéen baʼaleʼ jeʼel u páajtal k-adorartik Dios jeʼex uts tu tʼaanoʼ. ¿Máakalmáak le «clase adoración [wa religión]» ku kʼamik Diosoʼ? (Santiago 1:27; nota). Koʼox ilik baʼax ku yaʼalik le Bibliaoʼ.
1. ¿Tuʼux ku yaʼalaʼal bix unaj k-adorartik Dios?
Le Bibliaoʼ ku yaʼalik bix unaj k-adorartik Dios. Juntéenjeakeʼ Jesúseʼ tu yaʼalaj tiʼ Dios: «A tʼaaneʼ letiʼ u jaajil» (Juan 17:17). Yaan religiónoʼobeʼ maʼ tu chʼaʼikoʼob en cuenta baʼax ku yaʼalik le Bibliaoʼ, maas ku chʼaʼikoʼob en cuenta le baʼaxoʼob suuk u beetaʼaloʼ. Chéen baʼaleʼ tiʼ Jéeobaeʼ maʼ tu lúubul utsil le máakoʼob ‹ku tsʼáaikoʼob juntséelil› le baʼaxoʼob ku yaʼalikoʼ (xok Marcos 7:9). Le oʼolaleʼ wa k-beetik baʼax ku yaʼalik le Bibliaoʼ yaan k-kiʼimakkúuntik u yóol.
2. ¿Bix unaj k-adorartik Jéeoba?
Jéeoba beetmiloʼon, le beetik chéen letiʼ kʼaʼabéet k-adorartik (Apocalipsis 4:11). Leloʼ u kʼáat u yaʼaleʼ chéen letiʼ unaj k-yaabiltik yéetel le kéen k-adorarteʼ maʼ unaj k-usartik mix junpʼéel imagen wa ídoloiʼ (xok Isaías 42:8).
Le bix k-adoraroʼ kʼaʼabéet «santo yéetel kʼambeʼen» tu táan Jéeoba (Romanos 12:1). Leloʼ u kʼáat u yaʼaleʼ kʼaʼabéet k-kuxtal jeʼex u yaʼalik Diosoʼ. Por ejemploeʼ le máaxoʼob u yaabiltmoʼob Jéeobaoʼ ku yilik u beetkoʼob le baʼax ku yaʼalik yoʼolal le tsʼoʼokol beeloʼ. Tsʼoʼoleʼ maʼatech u tsʼuʼutsʼkoʼob chamal, maʼ tu drogarkubaʼob yéetel maʼ tu káaltaloʼob. a
3. ¿Baʼaxten unaj k-muchʼikba utiaʼal k-adorartik Jéeoba?
Teʼ reuniónoʼoboʼ ku páajtal ‹k-alabartik Jéeoba le kéen k-muchʼba yéetel› le máaxoʼob adorarkoʼ (Salmo 111:1, 2). Junpʼéel bix jeʼel k-beetkeʼ letiʼe kéen kʼaaynakoʼon tiʼ letiʼoʼ (xok Salmo 104:33). Jéeobaeʼ ku yaʼaliktoʼon ka xiʼikoʼon reunión tumen u yaabiltmoʼon yéetel u yojleʼ beyoʼ jeʼel u páajtal u yantaltoʼon kuxtal minaʼan u xuuleʼ. Tsʼoʼoleʼ teʼ reuniónoʼoboʼ k-paklan líiʼsik k-óol.
UTIAʼAL A MAAS NAʼATIK
Koʼox ilik baʼaxten Jéeobaeʼ maʼ u kʼáat ka k-usart imagenoʼob utiaʼal k-adorarkiʼ yéetel bix jeʼel u páajtal k-alabartikeʼ.
4. Maʼ unaj k-usartik imagenoʼob kéen k-adorart Diosiʼ
¿Bix k-ojéeltik Dioseʼ maʼ uts tu tʼaan u adorartaʼal yéetel imagenoʼobiʼ? Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
¿Baʼax úuch le ka tu usartaj le israelitaʼob imagenoʼob utiaʼal u adorarkoʼob Diosoʼ?
Yaan máakoʼobeʼ ku yuʼubikoʼob naatsʼ yaniloʼob tiʼ Dios wa ku adorarkoʼob yéetel imagenoʼob. Chéen baʼaleʼ ikil u beetkoʼob beyoʼ, ¿maʼ wa táan u maas náachtaloʼob tiʼ Diosiʼ? Xokeʼex Éxodo 20:4-6 yéetel Salmo 106:35, 36, kéen tsʼoʼokkeʼ ka tsikbaltikeʼex lelaʼ:
-
¿Bey baʼax imagenoʼob ka wilik ku adorartik le máakoʼoboʼ?
-
¿Bix ta tʼaan u yuʼubikuba Jéeoba kéen u yil u adorartaʼal imagenoʼob?
-
Techeʼ bix a wilik, ¿maʼalob wa ka adorartaʼak imagenoʼob?
5. Wa k-adorartik Jéeobaeʼ maʼ kun seguer k-tuʼusul
Wa k-adorartik Jéeoba jeʼex u kʼáatoʼ yaan u xuʼulul k-tuʼusul tumen le uláakʼ religiónoʼoboʼ. Chaʼanteʼex le VIDEOOʼ.
Xokeʼex Salmo 91:14, kéen tsʼoʼokkeʼ ka tsikbaltikeʼex lelaʼ:
-
¿Baʼax ku prometertiktoʼon Jéeoba wa k-yaabiltik yéetel k-adorartik chéen letiʼ?
6. K-adorartik Jéeoba teʼ reuniónoʼoboʼ
Kéen comentarnakoʼon yéetel kéen kʼaaynakoʼon teʼ reuniónoʼoboʼ k-alabartik Jéeoba yéetel k-paklan líiʼsik k-óol. Xokeʼex Salmo 22:22, kéen tsʼoʼokkeʼ ka tsikbaltikeʼex lelaʼ:
-
¿Jatsʼuts wa a wuʼuyik le baʼax ku comentartaʼal teʼ reuniónoʼoboʼ?
-
¿Jeʼel wa a preparartik junpʼéel comentario utiaʼal a waʼalik teʼ reuniónoʼ?
7. Jéeobaeʼ u kʼáat ka k-tsikbalt le baʼaxoʼob táan k-kanikoʼ
Jejeláas bix jeʼel k-tsikbaltik tiʼ u maasil le baʼaxoʼob táan k-kanik teʼ Bibliaoʼ. Xokeʼex Salmo 9:1 yéetel 34:1, kéen tsʼoʼokkeʼ ka tsikbaltikeʼex lelaʼ:
-
¿Máakalmáak tiʼ le baʼaloʼob táan a kanik teʼ Biblia a kʼáat a tsikbalt tiʼ u maasiloʼoboʼ?
BAʼAX SUUK U YAʼALAʼAL: «Jeʼel bixak ka k-adorart Dioseʼ letiʼeʼ ku kʼamik».
-
Techeʼ, ¿baʼax ka tuklik?
BAʼAX TSOʼOLI
K-beetik u kiʼimaktal u yóol Jéeoba kéen k-adorart chéen letiʼ, kéen k-alabart teʼ reuniónoʼoboʼ yéetel kéen k-tsikbalt tiʼ u maasil le baʼax táan k-kanikoʼ.
Baʼax ta kanaj
-
¿Tuʼux ku yaʼalaʼal bix unaj k-adorartik Dios?
-
¿Baʼaxten chéen Jéeoba unaj k-adorartik?
-
¿Baʼaxten unaj k-muchʼikba utiaʼal k-adorartik Jéeoba?
KAN U MAASIL
Ilawil le xook «Xuʼul in adorartik ídoloʼob», teʼeloʼ yaan a wilik baʼaxten juntúul koʼoleleʼ xuʼul u adorartik ídoloʼob.
«Kʼeʼex u kuxtaloʼob tumen le Bibliaoʼ» (U xookil U Pʼíich Tulumil Kanan)
Ojéelt baʼax jeʼel u yáantkech utiaʼal ka comentarnakech teʼ reuniónoʼoboʼ.
«Unaj k-kiʼikiʼtʼantik Jéeoba teʼ múuchʼuliloʼ» (U Pʼíich Tulumil Kanan, enero tiʼ 2019)
Ilawil bix áantaʼabik juntúul xiʼipal tumen le reuniónoʼob kex maʼ chéen chʼaʼabil u bin kaʼachiʼ.
Yaʼab máax tuklikeʼ le máaxoʼob creertik Jesúsoʼ unaj u usarkoʼob le cruzoʼ, chéen baʼaleʼ, ¿jach wa jaaj?
«¿Baʼaxten u testigoʼob Jéeobaeʼ maʼ tu adorarkoʼob le cruzoʼ?» (Xok teʼ jw.org)
a Le baʼaloʼobaʼ yaan u maas xakʼaltaʼal tiʼ uláakʼ xookoʼob.
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
