IzAga 14:1-35
14 Owesifazane ohlakaniphe ngempela uyayakha indlu yakhe, +Kodwa oyisiwula uyayidiliza ngezandla zakhe.
2 Ohamba ngobuqotho uyamesaba uJehova,Kodwa ozindlela zakhe zinobuqili* uyamedelela.
3 Inkulumo enokuzidla yesiwula ifana nenduku yokushaya umuntu,Kodwa izindebe zabahlakaniphile ziyobavikela.
4 Lapho kungekho khona izinkomo umkhombe* awungcoli,Kodwa amandla enkunzi enza kube nesivuno esiningi.
5 Ufakazi othembekile ngeke awaqambe amanga,Kodwa ufakazi wamanga uphafuza amanga nje. +
6 Umhleki wosulu ufuna ukuhlakanipha kodwa akakutholi,Kodwa umuntu onokuqonda uluthola kalula ulwazi. +
7 Hambela kude nomuntu oyisiphukuphuku,Ngoba ngeke uluthole ulwazi ezindebeni zakhe. +
8 Ngokuhlakanipha okhaliphile uyayiqonda indlela ahamba kuyo,Kodwa iziphukuphuku zikhohliswa* ubuwula bazo. +
9 Iziphukuphuku zikwenza ihlaya ukwenza icala, +Kodwa phakathi kwabaqotho kukhona isifiso sokubuyisana.
10 Inhliziyo iyabazi ubuhlungu bayo,Umuntu oseceleni ngeke ayiqonde injabulo yayo.
11 Indlu yabantu ababi iyobhujiswa, +Kodwa itende labaqotho liyochuma.
12 Kukhona indlela ebonakala iyinhle kumuntu, +Kodwa isiphetho sayo ukufa. +
13 Ngisho noma umuntu ehleka, inhliziyo yakhe ingaba sezinhlungwini,Futhi injabulo ingaphetha ngosizi.
14 Ongathembekile enhliziyweni uyovuna imiphumela yezindlela zakhe, +Kodwa umuntu omuhle uvuna umphumela wemisebenzi yakhe. +
15 Oyisiphukuphuku* ukukholwa konke akuzwayo,Kodwa okhaliphile uyacabangisisa ngazo zonke izinyathelo zakhe. +
16 Ohlakaniphile uyacophelela afulathele okubi,Kodwa oyisiphukuphuku wenza ngobudedengu* futhi uzethemba ngokweqile.
17 Oshesha ukuthukuthela wenza ngobuwula, +Kodwa umuntu ocabangisisayo* uyazondwa.
18 Abayiziphukuphuku* bayozuza ubuwula,Kodwa abakhaliphile bathwaliswa umqhele wolwazi. +
19 Abantu ababi kuyomelwe bakhothame phambi kwabalungile,Nabantu abakhohlakele bayokhothama emasangweni abalungile.
20 Umuntu ohluphekayo uzondwa ngisho nangomakhelwane bakhe, +Kodwa baningi abangane besicebi. +
21 Ozonda umakhelwane wakhe wenza isono,Kodwa noma ubani ombonisa umusa ophansi uyajabula. +
22 Ngeke yini baphambuke labo abaceba okubi?
Kodwa labo abahlose ukwenza okuhle bayothola uthando oluqotho nokwethembeka. +
23 Kukhona inzuzo kuzo zonke izinhlobo zomsebenzi onzima,Kodwa ukugcina ngokukhuluma nje kuholela ekusweleni. +
24 Umqhele wabahlakaniphile yingcebo yabo;Kodwa ubuwula beziphukuphuku bungubuwula nje kuphela. +
25 Ufakazi weqiniso usindisa ukuphila,Kodwa okhohlisayo uphafuza amanga nje.
26 Kukhona ukuqiniseka okukhulu kumuntu owesaba uJehova, +Futhi kuyoba isiphephelo ezinganeni zakhe. +
27 Ukwesaba uJehova kungumthombo wokuphila,Kwenza umuntu adede ezingibeni zokufa.
28 Abantu abaningi bangamandla enkosi, +Kodwa umbusi ongenabo abantu ababusayo akalutho.
29 Owephuza ukuthukuthela unokuqonda okukhulu, +Kodwa ongenaso isineke uveza ubuwula bakhe. +
30 Inhliziyo ezolile yenza umzimba uphile,*Kodwa umona ungukubola emathanjeni. +
31 Oqola ophansi uhlambalaza uMenzi wakhe, +Kodwa obonisa umusa kompofu uyamkhazimulisa. *+
32 Omubi uyowiswa ububi bakhe,Kodwa olungile uyothola isiphephelo ebuqothweni bakhe. +
33 Ukuhlakanipha kuhlala kuthule enhliziyweni yomuntu onokuqonda, +Kodwa oyisiphukuphuku uhlale eqhosha ngezinto azaziyo.
34 Ukulunga kuphakamisa isizwe, +Kodwa isono siyihlazo kubantu.
35 Inkosi iyajabula ngenceku eyenza ngokuqonda, +Kodwa iba nolaka kuleyo eyenza ngokuhlazisayo. +
Imibhalo yaphansi
^ Noma, “zigwegwile.”
^ Isitsha esimise okogqoko okuthelwa kuso ukudla kwezilwane ezifuyiwe.
^ Noma kungaba, “zikhohlisa abanye.”
^ Noma, “Ongenalwazi.”
^ Noma, “uyafutheka.”
^ Noma, “onekhono lokucabanga.”
^ Noma, “Abangenalwazi.”
^ Noma, “ube nempilo.”
^ Okuwukuthi uNkulunkulu.
