LEZZJONI 16
X’Għamel Ġesù Meta Kien Fuq l-Art?
Ħafna nies jafu lil Ġesù bħala tarbija, raġel tajjeb, jew kif miet. Imma x’tistaʼ titgħallem iżjed dwaru meta taqra dwar il-ħajja tiegħu fuq l-art? F’din il-lezzjoni se titgħallem ftit mill-iżjed affarijiet importanti li għamel Ġesù u kif jistgħu jgħinuk.
1. X’kien l-iżjed xogħol importanti taʼ Ġesù?
L-iżjed xogħol importanti li kellu Ġesù kien li ‘jxandar l-aħbar tajba tas-saltna t’Alla.’ (Aqra Luqa 4:43.) Din l-aħbar tajba hi li Alla se jagħmel saltna, jew gvern, biex isolvi l-problemi kollha tan-nies. a Għal tliet snin u nofs, ħadem iebes ħafna biex jgħid lin-nies dwar dan il-messaġġ sabiħ.—Mattew 9:35.
2. Ġesù għala għamel il-mirakli?
Il-Bibbja tgħid li Alla uża lil Ġesù biex jagħmel ħafna ‘affarijiet kbar u tal-għaġeb u mirakli.’ (Atti 2:22) Alla ta l-qawwa lil Ġesù biex jikkontrolla t-temp, jitmaʼ eluf taʼ nies, ifejjaq il-morda, u jqajjem il-mejtin. (Mattew 8:23-27; 14:15-21; Marku 6:56; Luqa 7:11-17) Il-mirakli li għamel Ġesù juru li Alla bagħtu. Juruna wkoll li Ġeħova għandu l-qawwa biex ineħħilna l-problemi kollha.
3. X’nistgħu nitgħallmu minn kif għex Ġesù?
Ġesù dejjem obda lil Ġeħova. (Aqra Ġwanni 8:29.) Anki meta oħrajn pruvaw iwaqqfuh, hu xorta baqaʼ jobdi lil Ġeħova ħajtu kollha. Hu wriena li n-nies dejjem jistgħu jaqdu lil Ġeħova, anki f’sitwazzjonijiet diffiċli. B’hekk, Ġesù ‘ħallielna eżempju biex nimxu mill-qrib wara l-passi tiegħu.’—1 Pietru 2:21.
TGĦALLEM IŻJED
Ara kif Ġesù qal l-aħbar tajba lin-nies u għamel il-mirakli.
4. Ġesù ta aħbar tajba lin-nies
Ġesù mexa mijiet taʼ kilometri f’toroq imħarbta biex jitkellem dwar l-aħbar tajba maʼ kemm jistaʼ jkun nies. Aqra Luqa 8:1, u mbagħad iddiskuti:
-
Ġesù pprietka lin-nies li marru għandu biss?
-
Xi sforzi għamel Ġesù biex isib lin-nies?
Alla kien qal li l-Messija kien se jitkellem dwar aħbar tajba. Aqra Isaija 61:1, 2, u mbagħad iddiskuti:
-
Ġesù kif wettaq din il-profezija?
-
Taħseb li n-nies għandhom bżonn jisimgħu l-aħbar tajba?
5. Ġesù għallem lezzjonijiet importanti
Apparti li Ġesù għallem l-aħbar tajba dwar is-Saltna t’Alla, hu għallem lezzjonijiet importanti oħra. Innota xi affarijiet li għallem fil-Prietka taʼ Fuq il-Muntanja. Aqra Mattew 6:14, 34 u 7:12, u mbagħad iddiskuti:
-
X’nistgħu nitgħallmu minn dak li Ġesù qal f’dawn il-versi?
-
Taħseb li dak li qal Ġesù għadu jistaʼ jgħinna?
6. Ġesù għamel il-mirakli
Ġeħova ta lil Ġesù l-qawwa biex jagħmel ħafna mirakli. Biex tara eżempju wieħed, aqra Marku 5:25-34 jew ara l-VIDJOW. Imbagħad iddiskuti l-mistoqsijiet li ġejjin.
-
X’kienet temmen il-mara li fejjaq Ġesù?
-
X’għoġbok minn dan il-miraklu?
Aqra Ġwanni 5:36, u mbagħad iddiskuti:
-
Il-mirakli li għamel Ġesù x’kienu juru dwaru?
Kont taf?
Ħafna mill-affarijiet li nafu dwar il-ħajja taʼ Ġesù huma miktubin f’erbaʼ kotba tal-Bibbja. Dawn huma Mattew, Marku, Luqa u Ġwanni. Kull ktieb fih dettalji differenti dwar Ġesù. Meta naqraw l-erbaʼ kotba, se jkollna stampa sħiħa tal-ħajja tiegħu.
-
MATTEW
kien l-ewwel wieħed li kiteb il-ktieb tiegħu. Fih naqraw dwar ħafna mill-affarijiet li għallem Ġesù, speċjalment dwar is-Saltna t’Alla.
-
MARKU
kiteb l-iżgħar ktieb dwar Ġesù. Fih naqraw dwar ħafna rakkonti eċitanti.
-
LUQA
kiteb dwar kemm it-talb kien importanti għal Ġesù u kif dejjem tratta lin-nisa b’qalb tajba.
-
ĠWANNI
kiteb ħafna mill-affarijiet li Ġesù qal lill-ħbieb tiegħu u oħrajn. Dan jurina x’tip taʼ persuna kien Ġesù.
ĦAFNA JGĦIDU: “Ġesù kien raġel tajjeb biss, u xejn iktar.”
-
Inti x’taħseb?
XI DDISKUTEJNA?
Ġesù pprietka dwar is-Saltna t’Alla, għamel mirakli, u dejjem obda lil Ġeħova.
X’Tgħallimt
-
X’kien l-iżjed xogħol importanti taʼ Ġesù fuq l-art?
-
X’juruna l-mirakli li għamel Ġesù?
-
Liema lezzjonijiet importanti għallem Ġesù?
ARA IŻJED
Ġesù dwar xiex l-iżjed li tkellem?
“Is-Saltna t’Alla—Xi tfisser għal Ġesù” (It-Torri tal-Għassa, Novembru-Diċembru 2014)
Għaliex tistaʼ temmen li l-mirakli li għamel Ġesù vera ġraw?
“Il-Mirakli taʼ Ġesù—X’Tistaʼ Titgħallem?” (It-Torri tal-Għassa, 15 taʼ Lulju 2004)
Aqra kif raġel bidel ħajtu meta tgħallem li Ġesù jimpurtah min-nies.
“Kont ngħix ħajja egoistika” (It-Torri tal-Għassa, Novembru-Diċembru 2014)
Ara l-affarijiet li għamel Ġesù wara xulxin.
a F’Lezzjonijiet 31-33 se tiddiskuti iżjed dwar is-Saltna t’Alla.