MATADUREE FUULA JALQABAA | MAALIIFAN JIRAADHAA?
Abdii Waan Qabduuf
“Warri garraamonni garuu lafa in qabaatu [‘in dhaalu,’ hiika bara 1899] isaanis nagaa guututti jiraachuu isaaniitiin sonaan in gammadu.”—FAARFANNAA 37:11.
Macaafni Qulqulluun, ‘rakkinni namootaa baayʼee akka taʼe’ dubbata. (Iyoob 14:1) Yeroo harʼaa haalli gaddisiisaan addaddaa namoota hundarra ni gaʼa. Namoonni tokko tokko garuu, gara fuulduraatiif abdii akka hin qabne waan itti dhagaʼamuuf, jireenyasaaniitti garmalee abdii kutataniiru. Atoo akkas sitti dhagaʼamaa? Akkas yoo taʼe, Macaafni Qulqulluun siif qofa utuu hin taʼin namoota hundaaf abdii amanamaa taʼe akka kennu mirkanaaʼaa taʼi. Fakkeenyaaf:
-
Macaafni Qulqulluun Waaqayyo wanta baayʼee gaarii taʼe nuu yaadee akka ture dubbata.—Uumama 1:28.
-
Waaqni keenya Yihowaan lafa kana janata gochuuf waadaa galeera.—Isaayaas 65:21-25.
-
Abdiin kun akka raawwatamu hin shakkisiisu. Mulʼanni 21:3, 4 akkas jedha:
“Iddoon Waaqayyo buufatu namoota gidduu dha, inni isaan bira buufachuuf jira, isaanis saba isaa ta’uuf jiru; Waaqayyo ofii isaa isaanii wajjin jiraachuuf jira, Waaqayyo isaaniis ta’uuf jira. Inni imimmaan hundumaa ija isaaniittii in haqa; wanti duraa waan darbeef, egaa duuni deebi’ee hin argamu, gadduun, iyyuun, waraansis si’achi hin jiru!”
Abdiin kun abjuu miti. Yihowaan abdii kana akka raawwatu beekamaadha; kana gochuufis humnas taʼe fedhii qaba. Abdiin Macaafa Qulqulluu keessa jiru amanamaa siʼa taʼu, gaaffii “Maaliifan jiraadha?” jedhuufis deebii quubsaa ni kenna.
KANA YAADADHU: Miirrikee akka doonii dambalii galaanaatiin asiifi achi jedhuu kan jijijjiiramu taʼus, abdiin Macaafni Qulqulluun kennu akka qofoo sibiilaatti jabeessee si dhaabuu dandaʼa.
WANTA HARʼA GOCHUU DANDEESSU: Abdii gara fuulduraa ilaalchisee Macaafni Qulqulluun maal akka barsiisu qorachuu jalqabi. Dhugaa Baatonni Yihowaa si gargaaruuf fedhii guddaa qabu. Dhugaa Baatota Yihowaa naannoo keetti argaman haasofsiisuu ykn Weeb saayitii isaanii jw.org * jedhamurraa odeeffannoo argachuu ni dandeessa.
^ key. 11 Yaada: Weebsaayitii jw.org baniitii mataduree WANTOOTA QOPHAAʼAN jedhuu jalaa LAAYIBRARII INTARNEETIIRRAA kan jedhu ilaali. Gargaarsa dabalataa argachuuf achi jalaa jechoota kan akka “dhiphina” ykn “of ajjeesuu” jedhan ilaali.
Kanneen Armaan Gadiis ni Jaallatta Taʼa
WAAʼEE KEENYA
Macaafa Qulqulluu Qayyabachuu Kan Qabnu Maaliifi?
Macaafani Qulqulluun, namoonni miliyoonaan lakkaaʼamaniifi addunyaarratti argaman, gaaffiiwwan gurguddaa jireenyasaanii keessatti isaan mudataniif deebii akka argatan gargaaraa jira. Namoota kana keessaa tokko taʼuu barbaaddaa?
DEEBII GAAFFII KITAABA QULQULLUU
Yeroon Dhiphadhu Kitaabni Qulqulluun Na Gargaaruu ni Dandaʼaa?
Wantoota Waaqayyo dhiphina nutti dhagaʼamu akka dandamannu gargaaruuf arjummaadhaan kennu sadii.
