“හරිත වර්ණ දූපත” ලෙස හඳුන්වන අයර්ලන්තයට රටවල් දෙකක් අයිතියි. එක් රටක් ස්වාධීන ජනරජයක් වන අතර අනෙක් රට වන උතුරු අයර්ලන්තය අයිති වෙන්නේ එක්සත් රාජධානියටයි.

අයර්ලන්තයට නොඅඩුව ලැබෙන වර්ෂාව නිසා ගස් වැල් සරුසාරව වැඩෙනවා. ඒ නිසයි එය “හරිත වර්ණ දූපත” ලෙස හඳුන්වන්නේ. ඇළදොළ ගංගා, නිල්වන් මුහුදු තීරය සහ කඳු පංතිය නිසා අවට පරිසරයෙන් දිස් වෙන්නේ අපූර්ව සුන්දරත්වයක්.

ඒත් 1845ත් 1851ත් අතර කාලය තුළ ඒ රටේ ජනයාට කටුක අද්දැකීමකට මුහුණ දෙන්න සිදු වුණා. ඒ අර්තාපල් වගාවට පැතිර ගිය වසංගතයක් නිසයි. එයින් මිලියනයක් පමණ ජනයා සාගින්නෙන් සහ ලෙඩ රෝගවලින් මිය ගියා. ඒ කාලයේ පැවති දුගීකමින් මිදෙන්න බොහෝදෙනා ඇමරිකාව, ඕස්ට්‍රේලියාව, කැනඩාව සහ බ්‍රිතාන්‍යය වැනි රටවලට ගියා. අද ඇමරිකාවේ ජීවත් වන අයගෙන් මිලියන 35ක් පමණ අයර්ලන්ත ජාතිකයන්ගෙන් පැවතෙන අයයි.

අයර්ලන්ත ජාතිකයන් මිත්‍රශීලී, ආගන්තුක සත්කාරයට ලැදි පිරිසක්. ඔවුන් අශ්වයන් පිට යෑම, ක්‍රිකට්, රගර්, පාපන්දු වැනි ක්‍රීඩාවල යෙදෙමින් තම විවේක කාලය ගත කරනවා. කාන්තාවන් විවේක කාලයේදී වැඩිපුරම යෙදෙන්නේ හොකී හා සමාන කමෝජි ක්‍රීඩාවෙයි.

 සංගීතයට ප්‍රිය කරන අයර්ලන්ත වැසියන් සතුටු සාමිච්චියේ යෙදෙන්නත් හරිම කැමතියි. ඇඟ කෙලින් තබාගනිමින් රිද්මයකට අනුව පාද පොළොවේ වද්දමින් කරන ස්ටෙප් ඩාන්ස් නමින් හඳුන්වන අයර්ලන්තයේ නැටුම් කලාව ලොව පුරා ප්‍රසිද්ධයි.

යෙහෝවා දෙවිගේ සාක්ෂිකරුවන් අවුරුදු සියයකට වැඩි කාලයක් පුරා අයර්ලන්තයේ සේවය කරනවා. මේ වන විට සාක්ෂිකරුවන් 6,000කට වඩා වැඩිදෙනෙක් බයිබල් සත්‍යයන් අන් අයට කියා දෙමින් සිටිනවා.