1. Àpẹẹrẹ ìfẹ́ tí Jèhófà kọ́ wa

Ló yẹ ká máa tẹ̀ lé.

Gbogbo ‘hun tó ṣe fẹ̀rí hàn pó fẹ́ wa,

Ká fara wé e; ká fìfẹ́ hàn.

Ó fún wa lọ́mọ bíbí rẹ̀ kan ṣoṣo;

Ó kú fẹ́ṣẹ̀ wa kí a lè rí ìyè.

Kò sóhun tá a lè fi wé ìfẹ́ ńlá yìí!

Ìfẹ́ yìí ga; Bàbá nífẹ̀ẹ́ wa.

2. Tá a bá fara wé e, ìfẹ́ wa yóò jinlẹ̀,

Yóò máa tuni lára.

Yóò jẹ́ ká lè máa fìfẹ́ hàn sí gbogbo

Ẹgbẹ́ ará, tàgbà tèwe.

Ó ṣe pàtàkì ká nífẹ̀ẹ́ Ọlọ́run,

Ká sì tún rí i pé a nífẹ̀ẹ́ ara wa.

Yóò jẹ́ ká lè máa dárí ji ara wa;

Ìyẹn fi hàn pá a nífẹ̀ẹ́ tòótọ́.

3. Ìfẹ́ òtítọ́ tá a ní ló so wá pọ̀

Bí ọmọ ìyá kan.

Bàbá wa ọ̀run fìfẹ́ ké sí wa pé:

“Tọ́ ọ wò kóo rí ìfẹ́ tòótọ́.”

Ó ń fi Ọ̀rọ̀ rẹ̀ àtẹ̀mí mímọ́ rẹ̀

Ṣèrànwọ́ fún wa, ká lè wà níṣọ̀kan.

Ìfẹ́ àárín wa sì ń rán wa létí pé

Jèhófà jẹ́ Ọlọ́run ìfẹ́.