1. Fìrẹ̀lẹ̀ bá Ọlọ́run rìn;

Sún mọ́ ọn, kó o sì gbára lé e.

Jẹ́ adúróṣinṣin sí Jèhófà,

Ó sì máa fún ẹ lókun.

Tó o bá rọ̀ mọ́ Ọ̀rọ̀ Ọlọ́run,

Kò ní jẹ́ kó o ṣìnà.

Tó o bá ń ṣègbọràn s’Ọ́lọ́run,

Á tọ́ ẹ sọ́nà ìyè.

2. Fìwà mímọ́ b’Ọ́lọ́run rìn;

Fọkàn sí ohun mímọ́.

Kò sí bí àdánwò ṣe fẹ́ le tó,

Yóò jẹ́ kó o lè fara dàá.

Ohunkóhun tó yẹ fún ìyìn,

Tó sì jẹ́ òtítọ́

Ni kó o máa rò nígbà gbogbo;

Jáà yóò sì wà pẹ̀lú rẹ.

3. Fi ayọ̀ bá Ọlọ́run rìn;

Máa yọ̀ pó o jẹ́ ọ̀rẹ́ rẹ̀.

Dúpẹ́ fún gbogbo ẹ̀bùn tó fún ọ

Àti bó ṣe ń bù kún ọ.

Bóo ṣe ń bá Ọlọ́run tòótọ́ rìn,

Máa fayọ̀ kọrin sí i.

Èyí yóò jẹ́ káráyé mọ̀

Pé Jèhófà lò ń bá rìn.