Central America, Bahamas, Grand Cayman Island, Jàmáíkà, Mẹ́síkò àti apá gúúsù orílẹ̀-èdè Amẹ́ríkà

• Ìjì líle Eta jà nílùú Puerto Cabezas tó wà lórílẹ̀-èdè Nikarágúà, ní November 3, 2020. Lẹ́yìn ìyẹn, ó ṣọṣẹ́ láwọn apá ibòmíì ní Central America, ó sì ba ọ̀pọ̀ nǹkan jẹ́

• Ó dùn wá pé ọ̀gbàrá òjò gbé ọmọkùnrin kan lọ nílùú Tabasco lórílẹ̀-èdè Mẹ́síkò. Ọmọ ọdún mẹ́sàn-án lọmọ náà, ọmọ ọmọ tọkọtaya Ẹlẹ́rìí Jèhófà kan sì ni

• Nígbà tọ́wọ́ ìjì yẹn rọlẹ̀ díẹ̀, ó ṣọṣẹ́ ní Grand Cayman Island, Bahamas àti orílẹ̀-èdè Jàmáíkà. Lẹ́yìn ìyẹn, ó tún ṣọṣẹ́ lápá ibi tí òkun ti ya wọ orílẹ̀-èdè Mẹ́síkò àtàwọn apá ibì kan lórílẹ̀-èdè Amẹ́ríkà

• Costa Rica

  • Àwọn akéde méjìdínláàádọ́fà (108) ló fi ilé wọn sílẹ̀

  • Àwọn akéde méje pàdánù gbogbo nǹkan ìní wọn

• Guatemala

  • Àwọn akéde mẹ́tàlélọ́gọ́jọ (163) ní láti fi ilé wọn sílẹ̀, àmọ́ àwọn márùndínláàádọ́rùn-ún (85) ti pa dà sílé

  • Ìdílé mẹ́ta pàdánù gbogbo nǹkan ìní wọn

  • Bákan náà, àwọn akéde mẹ́ta tó wà nínú ìdílé kan há sí àjà kejì ilé wọn kó tó di pé wọ́n wá gbà wọ́n sílẹ̀

• Honduras

  • Àwọn akéde ẹgbẹ̀rún kan, ọgọ́rùn-ún mẹ́sàn-án àti mẹ́rìnlélọ́gọ́rin (1,984) ní láti fi ilé wọn sílẹ̀, àmọ́ ní báyìí, ó kéré tán àwọn ọgọ́rùn-ún mẹ́ta àti mẹ́rìndínlọ́gọ́rin (376) ti pa dà sílé

• Jàmáíkà

  • Àwọn akéde mẹ́rin ní láti fi ilé wọn sílẹ̀

• Mẹ́síkò

  • Ní ìpínlẹ̀ Chiapas àti Tabasco, àwọn akéde ẹgbẹ̀rún kan, ọgọ́rùn-ún mẹ́fà àti méjìdínlógún (1,618) ló fi ilé wọn sílẹ̀, àmọ́ àwọn méjìléláàádọ́fà (112) ti pa dà sílé

• Nikarágúà

  • Àwọn akéde ọgọ́rùn-ún méjì àti méjìdínlógójì (238) ló ní láti fi ilé wọn sílẹ̀, àmọ́ àwọn ọgọ́rùn-ún méjì àti méjìlélọ́gbọ̀n (232) ti pa dà sílé

• Panama

  • Àwọn akéde mẹ́tàdínlọ́gbọ̀n (27) ló fi ilé wọn sílẹ̀, àmọ́ àwọn mẹ́fà ti pa dà sílé

• Amẹ́ríkà

  • Àwọn akéde méjìdínláàádọ́ta (48) ló fi ilé wọn sílẹ̀, àmọ́ àwọn mẹ́tàdínlọ́gbọ̀n (27) ti pa dà sílé

• Bahamas

  • Ilé kan bà jẹ́

• Costa Rica

  • Ilé mẹ́ta bà jẹ́ kọjá àtúnṣe

  • Ilé mẹ́fà bà jẹ́

• Guatemala

  • Ilẹ̀ tó ya ba ilé méjì jẹ́ kọjá àtúnṣe

• Honduras

  • Gbọ̀ngàn Ìjọba méje bà jẹ́ díẹ̀

• Nikarágúà

  • Ilé mẹ́tàléláàádọ́rin (73) bà jẹ́

• Grand Cayman Island

  • Ilé mẹ́rin bà jẹ́

  • Gbọ̀ngàn Ìjọba kan bà jẹ́ díẹ̀

• Jàmáíkà

  • Ilé tó tó àádọ́ta (50) bà jẹ́

  • Gbọ̀ngàn Ìjọba kan bà jẹ́

• Amẹ́ríkà

  • Ilé tó tó mọ́kànlélógóje (141) bà jẹ́

  • Gbọ̀ngàn Ìjọba mẹ́sàn-án (9) bà jẹ́ díẹ̀

• Ẹ̀ka ọ́fíìsì Central America yan ìgbìmọ̀ mẹ́ta láti pèsè ìrànwọ́ fáwọn ará wa, méjì lára wọn wà ní Mẹ́síkò, ọ̀kan tó kù sì wà ní Honduras. Láwọn orílẹ̀-èdè míì tí àjálù yìí ti ṣẹlẹ̀, Ìgbìmọ̀ Tó Ń Ṣètò Ìrànwọ́ Nígbà Àjálù tá a yàn nítorí àrùn Corona ló ń bójú tó ohun táwọn ará nílò

• Ìjọ àtàwọn Ìgbìmọ̀ tá a yàn nígbà àrùn Corona ń pèsè ohun táwọn ará nílò láwọn ibi tí ẹ̀ka ọ́fíìsì orílẹ̀-èdè Amẹ́ríkà ń bójú tó

• Àwọn alábòójútó àyíká ń fún àwọn ará níṣìírí látinú Bíbélì, ní pàtàkì àwọn ìdílé tó wà níbi tí àjálù náà ti ṣẹlẹ̀

• Àwọn ará lọ́kùnrin àti lóbìnrin tó wà níbi tí àjálù náà ò dé ń ṣèrànwọ́ fáwọn ará tó sá kúrò nílé, wọ́n ń gbà wọ́n sílé, wọ́n sì ń fún wọn lóúnjẹ

• Àwọn ará wa rí i pé àwọn ń tẹ̀ lé òfin táwọn elétò ààbò ṣe lórí àrùn Corona bí wọ́n ṣe ń pèsè ìrànwọ́ fáwọn tí àjálù náà bá

Bó tiẹ̀ jẹ́ pé ọ̀pọ̀ nǹkan ni ìjì líle yìí bà jẹ́, inú wa dún gan-an bá a ṣe ń rí i táwọn ará wa ń ran ara wọn lọ́wọ́. Ó dá wa lójú pé Jèhófà Ọlọ́run wa á máa bá a lọ láti jẹ́ ‘ibi ààbò fún wa lákòókò wàhálà.’​—Sáàmù 9:9.